உங்க இஷ்டத்துக்கு பதில் சொல்லமுடியாது.. பத்திரிக்கையாளருக்கு பதிலடி கொடுத்த ஸ்வாதி ரெட்டி..!

தெத்து பல்லழகியாக தமிழ் சினிமாவில் அறிமுகமான புதிதில் ரசிகர்களை கவர்ந்தவர் நடிகை ஸ்வேதா ரெட்டி. ரஷ்யாவின் பிரிமோர்ஸ்கி கிராயில் பிறந்த இவர் தொலைக்காட்சியில் நிகழ்ச்சித் தொகுப்பாளராகவும் பணியாற்றி அதன் பின்னர் சினிமா துறைக்கு வந்தார். இவர் சுப்ரமணியபுரம் தமிழ் திரைப்படத்தின் மூலம் திரைப்பட நடிகையாக அறிமுகமானார். முதல் படமே மிகப்பெரிய அளவில் ஹிட் அடித்ததால் அனைவரது கவனமும் அவரை வெகுவாக ஈர்த்தது.

தொடர்ந்து அடுத்தடுத்த பட வாய்ப்புகளும் அவருக்கு கிடைக்க துவங்கியது. வடகறி, ஆசைப்பட்டாய் பாலகுமாரா, யட்சன், யாக்கை உள்ளிட்ட படங்களில் நடித்த இவர் 2018ல் இவர் மலேசியன் ஏர்லைன்ஸைச் சேர்ந்த விமான ஓட்டி விகாஸ் வாசு என்பவரை காதலித்து மணந்தார். இதனிடையே கடந்த 2020ம் ஆண்டே தனது கணவருடன் எடுத்து வெளியிட்ட போட்டோக்களை இன்ஸ்டாகிராமில் இருந்து டெலீட் செய்தார்.

இதையடுத்து ஸ்வாதி கணவரை விவாகரத்து செய்யப்போகிறார் என்ற செய்திகள் வெளியானது. அதற்கு அக்கவுண்ட் ஹேக் செய்யப்பட்டதாக ஒரு விளக்கம் கொடுத்தார். ஆனால் மூன்று ஆண்டுகள் கழித்து தனது சமூக வலைதள பக்கங்களில் கணவரின் புகைப்படங்களை ஸ்வேதா ரெட்டி திடீரென டெலீட் செய்தார்.

இதனால் விவாகரத்து செய்துவிட்டதாக தகவல் வெளியாகி பரபரப்பாக பேசப்பட்டது. இந்நிலையில் சமீபத்திய பேட்டியொன்றில் விவாகரத்து குறித்து வரும் செய்திகள் குறித்து கேட்டதற்கு பதில் அளித்த ஸ்வாதி ரெட்டி, “சொல்வதற்கு ஒன்றுமில்லை என்றும் ஒருவேளை ஏதாவது இருந்தால் நானே அதை சொல்லுவேன் என்று மழுப்பலாக பதிலளித்து இருந்தார்.

இந்நிலையில், விவாகரத்து செய்து கொண்டது உண்மையா என்று மீண்டும் அவரிடம் கேள்வி எழுப்பப்பட்டது. இதற்கு சுவாதி நான் ஏன் சொல்ல வேண்டும். என் தனிப்பட்ட வாழ்க்கை பற்றி மற்றவர்களுக்கு விவாதிப்பதில்லை, நான் பின்பற்றும் விதிகளில் இதுவும் ஒன்று. அதனால், இந்த கேள்விக்கு பதில் அளிக்க முடியாது என்று திட்டவட்டமாக பத்திரிக்கையாளரிடம் தெரிவித்து உள்ளார்.

మీ ప్రశ్నకి సమాధానం నేను చెప్పను..సురేశ్ కొండేటికి స్వాతిరెడ్డి కౌంటర్..!!#SwathiReddy #MonthOfMadhu #SureshKondeti #NTVENT #NTVTelugu pic.twitter.com/7SMpVEZNJG

— NTV Telugu (@NtvTeluguLive) September 26, 2023

படத்தை தடை செய்தது நியாயமா? தக் லைஃப்க்கு ஆதரவாக வந்த உச்சநீதிமன்ற உத்தரவு!