முன்னாடியே இது நடந்திருக்கு, ஆனா இதான் ஃபர்ஸ்ட் டைம்? ரெட்ரோ படத்தை பிரித்து மேய்ந்த பயில்வான்! 

ஆக்சன் அதகளம்…

கார்த்திக் சுப்பராஜ் இயக்கத்தில் சூர்யா நடித்துள்ள “ரெட்ரோ” திரைப்படம் நேற்று மே தினத்தை முன்னிட்டு வெளியானது. முழுக்க முழுக்க அதிரடியான ஆக்சன் திரைப்படமாக வெளியாகியுள்ள “ரெட்ரோ” திரைப்படத்திற்கு ரசிகர்களின் மத்தியில் பாஸிட்டிவ் ஆன விமர்சனங்களே வலம் வருகின்றன.

படத்தின் முதல் பாதி அருமையாக இருக்கிறதென்றும் இரண்டாம் பாதி கொஞ்சம் கடுப்படிப்பதாகவும் சில விமர்சனங்கள் வந்தாலும் மிகவும் வித்தியாசமான கதைக்களத்தில் சூர்யாவை பார்த்தது பலருக்கும் திருப்தியை தந்துள்ளது. குறிப்பாக பலரும் “கங்குவா” திரைப்படத்தை “ரெட்ரோ” திரைப்படத்துடன் ஒப்பிடுட்டு இத்திரைப்படம் பிரமாதமாக இருப்பதாக கருத்து தெரிவிக்கின்றனர்.  

இந்த நிலையில் சமீபத்தில் தனது வீடியோ ஒன்றில் “ரெட்ரோ” படத்திற்கான விமர்சனத்தை தந்துள்ளார் பிரபல நடிகரும் பத்திரிக்கையாளருமான பயில்வான் ரங்கநாதன். 

இவ்வளவு சண்டை காட்சிகளா?

“இந்த படத்தை நான் பார்க்கும்போது எண்ணிப்பார்த்தேன். சூர்யாவுக்கு மொத்தமாக 21 சண்டை காட்சிகள் இருக்கின்றன. இதுவரையும் சூர்யாவின் சினிமா வரலாற்றில் இத்தனை சண்டை காட்சிகள் இருந்ததே இல்லை. ஒவ்வொன்றும் விதவிதமான சண்டை காட்சிகள்” என்று அந்த விமர்சனத்தில் கூறியுள்ளார். 

இவரின் விமர்சனத்தை பார்த்த பலரும், இதை எல்லாமா உட்கார்ந்து எண்ணிக்கொண்டிருப்பார்கள் என அவரை ட்ரோல் செய்து வருகின்றனர். 

விஜய் பாஜகவோட C team? தவெக குறித்து ஓபனாக போட்டுடைத்த பிரபலம்!