என் அப்பா இப்படிவர்ன்னு தெரிஞ்சப்போ? என் உண்மையான பெயர் இதுதான்! ரகசியங்களை போட்டுடைத்த ஜாக்கி சான்

அதிரடி ஆக்சன் நாயகன்

பல 90ஸ் கிட்களின் வாழ்வியலில் ஒரு முக்கியமான இடத்தை பிடித்த ஹீரோ என்றால் அது ஜாக்கி சான்தான். அதிரடி ஆக்சன் நாயகனாக பல திரைப்படங்களில் கலக்கிய ஜாக்கி சானுக்கு உலகம் முழுவதும் பல கோடி ரசிகர்கள் உண்டு. குறிப்பாக  தமிழ்நாட்டில் அவரது திரைப்படங்களை ரசித்து பார்த்தவர்கள் பல பேர் உண்டு. 

அதுவும் பல ஆண்டுகளுக்கு முன்பு விஜய் தொலைக்காட்சியில் தமிழ் டப்பிங்கில் ஒளிபரப்பாகும் ஜாக்கி சான் திரைப்படத்திற்கு ஒவ்வொரு வாரமும் ஆவலோடு எதிர்பார்த்துக் காத்திருந்து அத்திரைப்படங்களை ரசித்து பார்த்தவர்கள் பலர் உண்டு. 

ஜாக்கி சானுக்கு தற்போது 71 வயது ஆகி வரும் நிலையில் “கராத்தே கிட்:லெஜண்ட்ஸ்” என்ற திரைப்படத்தில் நடித்துள்ளார். இத்திரைப்படம் கடந்த மே மாதம் வெளியானது. இதனை தொடர்ந்து சமீபத்தில் ஒரு பேட்டியில் கலந்துகொண்ட ஜாக்கி சான் தனது குடும்பத்தை குறித்த ரகசியத்தை பற்றி பல அதிர்ச்சியான விஷயங்களை பகிர்ந்துகொண்டார்.  

என் அப்பா ஒரு உளவாளி

“எனது தந்தை ஒரு சீன உளவாளி என்பதை எனது 40 ஆவது வயதில் தெரிந்துகொண்டேன். அந்த சமயத்தில் ஒரு நாள் நானும் எனது தந்தையும் காரில் சென்றுகொண்டிருந்த சமயத்தில் ‘மகனே, எனக்கு வயதாகிவிட்டது. நான் எப்போது வேண்டுமானாலும் மரணத்தை தழுவலாம். உன்னிடம் ஒரு ரகசியத்தை கூற வேண்டும். உன்னுடைய பெயர் ஜாக்கி சான் அல்ல. உன்னுடைய உண்மையான பெயர் Fang’ என்று என்னிடம் கூறினார். அதனை கேட்டபோது எனக்கு அதிர்ச்சியாக இருந்தது” என அப்பேட்டியில் ஜாக்கி சான் பகிர்ந்துகொண்டுள்ளார். ஜாக்கி சானின் இப்பேட்டி இணையத்தில் வைரலாகி வரும் நிலையில் ரசிகர்கள் பலரும் அதிர்ச்சியடைந்துள்ளனர். 

கைவிடப்பட்ட வாடிவாசல்? சூர்யாவுக்கு டாட்டா காண்பித்து வேறு நடிகருக்குத் தாவிய வெற்றிமாறன்?