லியோ படத்தை இயக்க லோகேஷ் கனகராஜ் வாங்கிய சம்பளம் – எத்தனை கோடி தெரியுமா?

கோவையை சேர்ந்த இளம் இயக்குநர் லோகேஷ் கனகராஜ் மாநகரம் படம் மூலம் சினிமாவில் அறிமுகமானார். தொடர்ந்து கைதி படத்தை இயக்கை பெரிய கவனத்தை பெற்றார். இதன் பின்னர் விஜய்யுடன் சேர்ந்து மாஸ்டர் படத்தை இயக்கினார். படம் மாஸ் ஹிட் ஆனது. தமிழ் சினிமாவின் முன்னணி இயக்குநராக மாறினார்.

அந்த வெற்றியை தொடர்ந்து கமல்ஹாசனை வைத்து விக்ரம் படத்தை இயக்கினார். படம் மெகா ஹிட் அடித்து வசூல் சாதனை குவித்தது. இதையடுத்து மீண்டும் விஜய்யுடன் இணைந்து லியோ படத்தை இயக்கியுள்ளார். இத்திரைப்படத்தில் திரிஷா, கெளதம் வாசுதேவ் மேனன், அர்ஜுன், மிஷ்கின், சஞ்சய் தத் உட்பட பலர் நடிக்கின்றனர்.

அனிருத் இசையமைத்துள்ள இப்படத்திற்கு விஜய் ரசிகர்கள் மிகப்பெரிய ஆர்வத்துடன் காத்திருக்கின்றனர். காரணம் லோகேஷ் இயக்கத்தில் வெளிவரும் வரும் வித்தியாசமான, மரண மாஸாக கொண்டாடப்படும் படமாக இருக்கும் என்பதால் தான். நாளை வெளியாகவுள்ள இப்படத்திற்கு மிகப்பெரிய எதிர்பார்ப்புகள் உள்ளது. பல சர்ச்சைகளை மீறி படம் ரிலீசுக்கு தயாராக உள்ளது.

இந்நிலையில் இப்படத்தை இயக்க லோகேஷ் கனகராஜ் வாங்கியுள்ள சம்பள விவரம் தற்போது வெளியாகி எல்லோரையும் ஆச்சர்யப்படுத்தியுள்ளது. இப்படத்திற்கு லோகேஷ் ரூ. 30 முதல் ரூ. 35 கோடி வரை சம்பளம் பெற்றிருப்பதாக கூறப்படுகிறது. மேலும் அடுத்ததாக அவர் ரஜினியை வைத்து 171 படத்தை இயக்கவுள்ளார் என்பதால் அவரது சம்பளம் மேலும் அதிகரிக்கும் என்பது கூடுதல் தகவல்.

Views: - 471

3

0