EN
உங்க வாய் உங்க உருட்டு- பிரியங்கா தேஷ்பாண்டேவின் புகைப்படத்தால் பரபரப்புக்குள்ளான நெட்டிசன்ஸ்!
Author: Prasad26 May 2025, 4:15 pm
திடீர் திருமணம்
விஜய் தொலைக்காட்சியின் மிகப் பிரபலமான தொகுப்பாளினியாக வலம் வருபவர் பிரியங்கா தேஷ்பாண்டே. இவர் 2016 ஆம் ஆண்டு பிரவின் குமார் என்பவரை காதலித்து திருமணம் செய்துகொண்டார். ஆனால் 2022 ஆம் ஆண்டு கருத்து வேறுபாடு காரணமாக இருவரும் பிரிந்தனர். இதனை தொடர்ந்து கடந்த ஏப்ரல் மாதம் விஜே வசி என்பவரை திருமணம் செய்துகொண்டார் பிரியங்கா.
சுற்றி வளைத்த விமர்சனங்கள்
திடீரென இவர் திருமணம் செய்துகொண்ட செய்தி வெளியான நிலையில் பலரும் பலவிதமாக பேசத்தொடங்கினர். பிரியங்கா தேஷ்பாண்டே திருமணத்திற்கு முன்பே கர்ப்பமாகிவிட்டதாகவும் இதனால்தான் தன்னுடைய கர்ப்பத்திற்கு காரணமனவரை அவசரமாக திருமணம் செய்துகொண்டதாகவும் வலைத்தளங்களில் பல செய்திகள் உலா வந்தன. இந்த நிலையில் பிரியங்கா தேஷ்பாண்டே இரண்டு நாட்களுக்கு முன்பு தனது இன்ஸ்டா பக்கத்தில் வெளியிட்ட புகைப்படம் கவனத்தை ஈர்த்துள்ளது.
உங்க வாய் உங்க உருட்டு
தனது இன்ஸ்டா பக்கத்தில் ஒரு டீசர்ட் அணிந்த புகைப்படம் ஒன்றை வெளியிட்டுள்ளார் பிரியங்கா. அந்த டீசர்ட்டில் “உங்க வாய் உங்க உருட்டு” என்ற வார்த்தைகள் இடம்பெற்றுள்ளது. இப்புகைப்படத்தை பதிவிட்ட பிரியங்கா தேஷ்பாண்டே அதில் கேப்ஷனாக, “பேசலைனா Peace, பேசினா Piece, T-Shirt did the damage” என்று குறிப்பிட்டுள்ளார்.
மேலும் அந்த புகைப்படத்தில் அவர் தனது வாயை மூடியபடி போஸ் கொடுத்துள்ளார். தன்னை குறித்து வதந்தி பரப்புபவர்களுக்கு பதிலடி கொடுப்பது போல் இப்புகைப்படத்தை அவர் பகிர்ந்துள்ளார் என நெட்டிசன்கள் டீகோட் செய்து வருகின்றனர்.
