பிரபல நடிகைக்கு ஆபாசமாக மெசேஜ் அனுப்பிய காங்கிரஸ் தலைவர்? அதிர்ச்சியில் மக்கள்…

ஆபாச மெசேஜ் அனுப்பிய அரசியல்வாதி

மலையாளத்தில் பிரபலமான நடிகையாக வலம் வருபவர் ரின்னி அன் ஜார்ஜ். இவர் பத்திரிக்கையாளராக இருந்து அதன் பின் நடிகையாக மாறியவர். இந்த நிலையில் இவருக்கு கேரளாவைச் சேர்ந்த ஒரு பிரபல அரசியல்வாதி ஆபாச மெசேஜ்கள் அனுப்பி ஹோட்டலுக்கு அழைத்துள்ளதாக குற்றச்சாட்டு எழுந்துள்ளது.

பல நாட்களாக ரினி அன் ஜார்ஜ்ஜுக்கு அந்த பிரபல அரசியல்வாதி இவ்வாறு ஆபாசமான மெசேஜ்கள் அனுப்பி வருகிறாராம். ரினி அன் ஜார்ஜ் அந்த அரசியல்வாதியை கண்டித்தும் அவர் அவ்வாறு மெசேஜ் அனுப்புவதை நிறுத்தவில்லையாம். கட்சி மேலிடத்தில் புகார் அளித்துவிடுவேன் என ரினி அன் ஜார்ஜ் மிரட்டிப்பார்த்தும் கூட அவர் அவ்வாறு மெசேஜ் அனுப்புவதை நிறுத்தவில்லை என கூறப்படுகிறது. 

இந்த நிலையில்தான் ரினி அன் ஜார்ஜ் அந்த பிரபல அரசியல்வாதியின் பெயரை குறிப்பிடாமல் பிரபல அரசியல்வாதி ஒருவர் தனக்கு ஆபாசமாக மெசேஜ் அனுப்புவதாக வெளிப்படையாக போட்டுடைத்துள்ளார். 

இவர்தான் அந்த அரசியல்வாதி?

ரினி அன் ஜார்ஜ் தனக்கு ஆபாசமாக மெசேஜ் அனுப்பிய அரசியல்வாதியின் பெயரை குறிப்பிடவில்லை. ஆனாலும் கேரள பாஜகவினர் கேரளா மாநில காங்கிரஸ் கட்சியின் இளைஞர் அணி தலைவரும் பாலக்காடு எம் எல் ஏவுமான ராகுல் மம்கூட்டத்தில் என்பவர்தான் இவ்வாறு ஆபாசமாக மெசேஜ் செய்தது என அவருக்கு எதிராக போராட்டம் நடத்தி வருகின்றனர். 

இந்த குற்றச்சாட்டை தொடர்ந்து ராகுல் மம்கூட்டத்தில் தனது மாநில காங்கிரஸ் இளைஞர் அணி தலைவர் பதவியை ராஜினாமா செய்துள்ளார். “ராஜினாமா செய்வதால் என் மீது தவறு இருக்கிறது என நினைக்க வேண்டாம். ரினி அன் ஜார்ஜ் எனது நெருங்கிய தோழி, எனக்கு எதிராக கூறப்பட்ட புகார்களை நான் நம்பவில்லை. எதுவாக இருந்தாலும் சட்ட ரீதியாக அதனை எதிர்கொள்வேன்” என விளக்கம் அளித்துள்ளார். இச்சம்பவம் கேரளாவில் பெரும் பரபரப்பை ஏற்படுத்தியுள்ளது. 

பிரியும் நேரத்தில் சைந்தவியை புரிந்து கொண்ட ஜி.வி பிரகாஷ்.. விவாகரத்து வழக்கில் மலர்ந்த பாசம்!