என்னுடைய பயோபிக்கின் பெயர் இதுதான்- சீக்ரெட்டை உடைத்த சாய் பல்லவி? விவகாரமான டைட்டில் ஆச்சே?

முன்னணி நடிகை

தமிழ் சினிமா மட்டுமல்லாது தெலுங்கு, மலையாளம் ஆகிய மொழிகளிலும் சாய் பல்லவி முன்னணி நடிகையாக வலம் வருகிறார். சமீபத்தில் “தண்டல்” என்ற திரைப்படத்தில் நடித்திருந்த சாய் பல்லவி தற்போது “இராமாயணம்” திரைப்படத்தில் சீதாவாக நடித்து வருகிறார். இத்திரைப்படம் பாலிவுட் திரைப்படம் என்றாலும் பேன் இந்தியாவாக இது உருவாகி வருகிறது. இதன் மூலம் சாய் பல்லவி பாலிவுட்டிலும் அடி எடுத்து வைத்துள்ளார். 

தனது கதைத்தேர்வில் மிகவும் கவனமாக செயல்படுபவர்தான் சாய் பல்லவி. இவர் தேர்ந்தெடுத்து நடிக்கும் திரைப்படங்கள் பெரும்பாலும் வித்தியாசமான கதையம்சத்துடன் அமைந்திருக்கும். அதில் இவருக்கு முன்னணி கதாபாத்திரமும் இருக்கும். உதாரணமாக சிவகார்த்திகேயனின் “அமரன்” திரைப்படத்தில் இவர் ஏற்று நடித்திருந்த இந்து ரெபேகா வர்கீஸ் என்ற கதாபாத்திரம் ரசிகர்களை பெரிதும் ஈர்த்தது. அதற்கு முன்பு வெளிவந்த “கார்கி”, “ஷ்யாம் சிங்கா ராய்” போன்ற திரைப்படங்களையும் உதாரணமாக கூறலாம். 

என்னுடைய பயோபிக் டைட்டில் இதுதான்?

இந்த நிலையில் சமீபத்தில் ஒரு பேட்டியில் கலந்துகொண்ட சாய் பல்லவி “என்னுடைய பயோபிக்கிற்கு என்னிடம் டைட்டில் கேட்டால் நான் ‘50 Shades of Pallavi’ என்றுதான் டைட்டில் வைப்பேன். ஏனென்றால் நான் ஒவ்வொருவரிடமும் ஒவ்வொரு மாதிரி இருப்போம். எனது நண்பர்களிடம் இருக்கும்போது நான் ஒரு மாதிரி இருப்பேன். எனது பெற்றோருடன் இருக்கும்போது வேறு மாதிரி இருப்பேன். அதே போல் படப்பிடிப்பு தளத்தில் ஒரு மாதிரி இருப்பேன். ஆதலால் ‘50 Shades of Pallavi’ என்ற டைட்டில் சரியாக இருக்கும்” என கூறினார்.  இவரது இப்பேட்டி இணையத்தில் வைரலாகி வருகிறது. 

அல்லு அர்ஜூனை கைது பண்ணீங்க, விராட் கோலியை கைது பண்ணீங்களா? கிடுக்குப்பிடி கேள்வி கேட்ட கூல் சுரேஷ்