விஜய்யின் அரசியல் கட்சி பெயர் இது தான்… இரண்டே வார்த்தையில் மாஸ் காட்டும் தளபதி!

சினிமாவை பொறுத்தவரை நல்ல நல்ல படங்களில் நடித்து தொடர் ஹிட் கொடுத்து மக்கள் மனத்தில் நல்ல ஒரு இடத்தை பிடித்துவிட்டால் நடிகர்களின் அடுத்தகட்ட வளர்ச்சியாக தேர்ந்தெடுக்கும் ஒரே விஷயம் “அரசியல் ” சினிமாவை தாண்டியும் அரசியல்வாதியாக இருப்பதும் நல்ல சக்ஸஸ் தான் கொடுக்கும் என்பதை நிரூபித்து காட்டியவர் எம்ஜிஆர். அவரது வளர்ச்சியையும் வெற்றிகளையும் பார்த்து வளர்ந்து வரும் ரஜினி, கமல், விஜய் உள்ளிட்ட பல டாப் நடிகர்களுக்கு அரசியல் மோகம் வந்துவிட்டது.

அவர்கள் படங்களில் நடித்து பெயரை சம்பாதித்துவிட்டு அதைவைத்து அரசியலில் குதித்துவிட்டார்கள். அப்படித்தான் நடிகர் விஜய்யும் அரசியலுக்கு வரவேண்டும் என பல வருடங்களாக முனைப்புடன் இருந்து வந்தார். இப்போது தான் அதற்காக சரியான நேரம் வந்துள்ளது. விஜய் மக்கள் இயக்கம் மூலம் அரசியல் கட்சிகளுக்கு நிகராக பல்வேறு சமூக பணிகளில் ஈடுபட்டு வருகிறார். விரைவில் அவர் அரசியல் களத்தில் இறங்கி அரசியல்வாதியாக மக்களுக்கு பல நற்பணிகளை செய்யவிருக்கிறார்.

இந்நிலையில் விஜய்யின் அரசியல் கட்சியின் பெயர் சமூகவலைத்தளங்களில் கசிந்து அனைவரது கவனத்தையும் ஈர்த்து வருகிறது. ” மக்கள் கட்சி” என்று இரண்டே வார்த்தையில் தன்னுடைய கட்சிக்கு பெயர் வைத்திருக்கிறார் விஜய். அதுமட்டும் அல்லாது இன்னும் சில வாரங்களில் தன்னுடைய கட்சியை பதிவு செய்ய இருக்கிறாராம் விஜய். பின்னர் மாவட்டம், வட்டம், கிளை என தன்னுடைய ரசிகர் மன்றத்தை மிகப்பெரிய அளவில் அரசியலில் ஆளுமை செய்ய திட்டமிட்டுள்ளாராம். இருந்தாலும் இந்த கட்சியின் பெயர் குறித்து எந்த வித அதிகாரப்பூர்வ அறிவிப்பும் வெளியாகவில்லை என்பது குறிப்பிடத்தக்கது.

Views: - 406

0

0