EN
அடிக்குற மழைக்கு ஐஸ் குளியல் போட்ட விஜய்… சமந்தா எங்கே? தொல்லை பண்ணும் ரசிகர்கள்!
Author: Shree25 September 2023, 12:33 pm
ஹைதராபாத்தை சேர்ந்த ஹேண்ட்ஸம் ஹீரோவான விஜய் தேவர்கொண்டா தென்னிந்திய சினிமாவில் டாப் ஹீரோவாக வலம் வந்துக்கொண்டிருக்கிறார். நல்ல அழகு, தோற்றம் , உயரம் என Crush மெட்டீரியலில் இருக்கும் விஜய் தேவர்கொண்டாவுக்கு ஏகப்பட்ட பெண் ரசிகைகள் உள்ளனர்.
இவர் 2011 ஆம் ஆண்டில் ரவி பாபுவின் காதல் காமெடி திரைப்படமான நுவ்விலா படம் மூலம் அறிமுகமானார். அதன்பின் அவர் யெவடே சுப்பிரமணியம் (2015) படத்தில் துணை வேடத்தில் நடித்ததன் மூலம் பிரபலம் ஆனார். அதையடுத்து 2016 பிளாக்பஸ்டர் ஹிட் அடித்த காதல் காமெடி படமான பெல்லி சூப்புலு படத்தில் முக்கிய கதாபாத்திரத்தில் நடித்து தெலுங்கில் சிறந்த திரைப்படத்திற்கான தேசிய திரைப்பட விருது மற்றும் சிறந்த படத்திற்கான ஃபிலிம்ஃபேர் விருது பெற்றார்.
மிகவும் குறுகிய காலத்திலே அடுத்தடுத்த ஹிட் படங்களில் நடித்து பெரும் புகழ் பெற்ற விஜய் தேவர்கொண்டா தெலுங்கு சினிமாவின் முன்னணி நடிகராக தன்னை நிலைநிறுத்திக் கொண்டார், அர்ஜுன் ரெட்டி , மகாநடி, கீத கோவிந்தம் , டாக்ஸிவாலா, டியர் காம்ரேட், வேர்ல்ட் பேமஸ் லவர் உள்ளிட்ட பல்வேறு திரைப்படங்களில் நடித்துள்ளார்.
கடைசியாக சமந்தாவுடன் குஷி திரைப்படத்தில் நடித்து அவருடன் தொடர்ச்சியாக காதல் கிசு கிசுக்கப்பட்டு வருகிறார். இந்நிலையில் ஐஸ் குளியல் போட்டு வீக் எண்ட் ஜில் பண்ண புகைப்படங்களை இன்ஸ்டாகிராமில் வெளியிட்டு இணையவாசிகளின் கவனத்தை ஈர்த்துள்ளார். இதை பார்த்த ரசிகர்கள் சமந்தா எங்க இருக்காங்க? உங்க கூடாதானா? என சந்தேகத்துடன் கேட்டு வருகின்றனர்.
