பாறை இடுக்குகளில் சிக்கி தவிக்கும் வாலிபர் : ராணுவத்தின் உதவியை கோரிய கேரள அரசு : டிரெக்கிங் சென்ற போது நேர்ந்த சோகம்…

கேரளா : மலம்புழா மலைப்பகுதியில் டிரெக்கிங் சென்ற வாலிபர் தவறி விழுந்து பாறை இடுக்குகளில் கடந்த 26 மணி நேரமாக சிக்கி தவித்து வரும் நிலையில், வாலிபரை மீட்க ராணுவத்தின் உதவியை கேரள அரசு கோரியது.

கேரளா மாநிலம் மலம்புழா மலைப்பகுதியில் உள்ள பள்ளத்தாக்கிற்கு பாபு என்ற வாலிபர் அவரது நண்பர்களுடன் நேற்று டிரெக்கிங் சென்றுள்ளார். அப்போது பாபுவிற்கு லோசன காயம் ஏற்பட்டுள்ளது. இதையடுத்து அவர்கள் டிரெக்கிங்யை பாதியிலேயே நிறுத்திவிட்னர். அதில் பாபுவின் நண்பர்கள் மலைப்பகுதிக்கு திரும்பிவிட்டனர். ஆனால் காயமடைந்த பாபு பாறை இடுக்குகளில் சிக்கியுள்ளார். இதைதொடர்ந்து பாபுவின் நண்பர்கள் மரக் குச்சிகள், மரக் கட்டைகள், கயிறுகள் என அனைத்தையும் முயற்சித்தனர், ஆனால் பாபுவால் மேலே ஏற முடியவில்லை. இதையடுத்து அவரது நண்பர்கள் மலையிலிருந்து இறங்கி அப்பகுதி மக்களுக்கும், போலீசாருக்கும் தகவல் தெரிவித்தனர்.

தீயணைப்புப் படையினரும் மலம்புழா காவல்துறையினரும் நள்ளிரவு 12 மணியளவில் சம்பவ இடத்திற்கு வந்தனர். ஆனால் வெளிச்சம் இல்லாததால் மீட்புப் பணியைத் தொடங்க முடியாததால், குழு அங்கேயே முகாமிட்டது. காலையில், அவர்கள் பாபுவை மீட்க முயன்றனர். ஆனால் அவரை மீட்க முடியவில்லை.தொடர்ந்து மீட்பு குழுவினர் ட்ரோன் மூலம் வாலிபரின் நிலை குறித்த காட்சிகளை சேகரித்தனர். இதையடுத்து கொச்சியில் இருந்து கடலோர காவல்படை ஹெலிகாப்டர் சென்று அவரை மீட்க முயன்றபோது, ​​பாபு சிக்கிய இடைவெளிக்கு அருகில் ஹெலிகாப்டர் செல்ல முடியவில்லை.அப்போது, ​​கடற்படை ஹெலிகாப்டர் மூலம் மீட்பு பணியை மேற்கொள்ள, பாலக்காடு மாவட்ட ஆட்சியர் மிருண்மயி ஜோஷி சஷாங்க், கடற்படையின் உதவியை நாடினார். ஹெலிகாப்டரில் இருந்து ஒரு கயிறு இறக்கப்பட்டது,

அதனால் பாபு அதைப் பிடித்து மேலே வர முடியும். ஆனால், அதுவும் பலனளிக்கவில்லை. ஹெலிகாப்டர் அந்த இடைவெளியில் சிறிது நேரம் வட்டமிட்டது, ஆனால் பாபு கைக்கு எட்டாததால் திரும்ப வேண்டியதாயிற்று. இப்போது, ​​தேசிய பேரிடர் மீட்புப் படையின் (NDRF) ஒரு குழு வாலிபரை மீட்கும் முயற்சியில் ஈடுப்பட்டுள்ளனர். வாலிபர் சிக்கி 26 மணிநேரம் ஆகிவிட்டதாகவும், மலையின் மீது ஆபத்தான இடத்தில் அவர் அமர்ந்திருப்பதை ட்ரோனின் காட்சிகள் காட்டுவதாகவும் கூறப்படுகிறது. பாபு மலை உச்சியை அடைந்து விட்டதாகவும், ஆனால் தவறி விழுந்து பாறைகளுக்கு இடையில் சிக்கிக் கொண்டதாகவும் அப்பகுதி மக்கள் தெரிவித்தனர்.

இந்நிலையில் பாபுவை மீட்பதற்கான பல்வேறு காட்ட முயற்சிகள் பலனளிக்காத நிலையில், முதல்வர் பினராயி விஜயன், இளைஞரை மீட்க இந்திய ராணுவத்திடம் உதவி கோரினார். தக்ஷின் பாரத் பகுதியின் கமாண்டிங் (ஜிஓசி) லெப்டினன்ட் ஜெனரல் ஏ அருண், பெங்களூருவில் இருந்து ராணுவ சிறப்புப் படைக் குழு உடனடியாக இருப்பிடத்திற்கு அனுப்பி வைப்பதாக முதல்வர் அலுவலகத்திற்கு தகவல் தெரிவித்தார். மலையேறுதல் மற்றும் மீட்பு பணிகளில் நிபுணத்துவம் பெற்ற குழுவினர், இரவில் ஹெலிகாப்டர் மூலம் பயணம் செய்ய இயலாது என்பதால் சாலை மார்க்கமாக புறப்பட்டுள்ளனர். மேலும் ராணுவத்தின் மற்றொரு பிரிவு வெலிங்டனில் இருந்து கு புறப்பட்டுள்ளதாகவும் தெரிவிக்கப்பட்டுள்ளது.

Views: - 1024

0

0