அருணாச்சல பிரதேசத்தில் மீண்டும் ஆட்சியமைக்கும் பாஜக… சிக்கிமில் பெரும்பான்மையுடன் ஆட்சி!

அருணாச்சல் பிரதேசம் மற்றும் சிக்கிம் மாநிலங்களில் நடைபெற்ற சட்டமன்றத் தேர்தலுக்கான வாக்கு எண்ணும் பணி இன்று காலை 6 மணிக்கு தொடங்கியது. ஆட்சி இன்றுடன் நிறைவு பெறுவதால் முன்கூட்டியே இன்று தொடங்கியது.

ஏப்ரல் 19 அன்று 60 பேரவைத் தொகுதிகள் உள்ள அருணாச்சல் பிரதேசம் மற்றும் 32 தொகுதிகள் உள்ள சிக்கிம் ஆகிய இடங்களில் மக்களவைத் தேர்தலின் முதல் கட்டத்துடன் இணைந்து வாக்குப்பதிவு நடைபெற்றது.

ஆரம்பகால முடிவுகளின் படி, அருணாச்சல் பிரதேசத்தில் பாஜக 60 இடங்களில் 23 இடங்களில் முன்னிலை வகிக்கிறது, இதில் அந்த கட்சி ஏற்கெனவே 10 இடங்களை போட்டியின்றி வென்றுள்ளது.

தேசிய மக்கள் கட்சி (NPP) மூன்று இடங்களில் முன்னிலை வகிக்கின்றது, மற்ற கட்சிகள் இரு இடங்களில் முன்னிலை வகிக்கின்றன.

மற்றுமொரு புறம், சிக்கிம் மாநிலத்தில் ஆளும் சிக்கிம் கிரந்திகாரி மோர்ச்சா (SKM) 22 இடங்களில் முன்னிலையில் உள்ளது, சிக்கிம் ஜனநாயக முன்னணி (SDF) மற்றும் பாஜக தலா ஒரு இடத்தில் முன்னிலையில் உள்ளன.

அந்த நபர் அப்படி பண்ணது… அதிர்ச்சியாகிட்டேன்- ஜொனிடா காந்திக்கு நடந்த பாலியல் சீண்டல்? அடக்கொடுமையே