அப்ப ரெண்டு வாங்கலாம்.. இப்ப ஒண்ணுதா வாங்க முடியும் : இதுல எங்க மானியத் தொகை? ராகுல் காந்தியின் ட்வீட் வைரல்…!!

கடந்த மே 1 ஆம் தேதி 19 கிலோ எடை கொண்ட வணிக பயன்பாட்டிற்கான சிலிண்டர் விலையை எண்ணெய் நிறுவனங்கள் ரூ.2253 இல் இருந்து ரூ.102.50 உயர்த்தின.

இதனால்,வணிக பயன்பாட்டிற்கான சிலிண்டர் தற்போது ரூ.2355.50-க்கு விற்பனை செய்யப்படுகிறது. அதைப்போல, 5 கிலோ எடை கொண்ட எல்பிஜி சிலிண்டர் விலை தற்போது 655 ரூபாய்க்கு விற்பனை செய்யப்படுகிறது.

இதனையடுத்து,வீட்டு உபயோகத்திற்கான 14.2 கிலோ எடைகொண்ட கேஸ் சிலிண்டர் விலையை எண்ணெய் நிறுவனங்கள் நேற்று ரூ.50 உயர்த்தின.

இதனால்,சிலிண்டர் விலை ரூ.965 லிருந்து ரூ.1015 ஆக உயர்ந்துள்ளது. இது கடந்த ஆறு வாரங்களுக்குள் இரண்டாவது விலை உயர்வு ஆகும்.ஏற்கனவே பெட்ரோல்,டீசல் விலை உயர்வால் பாதிக்கப்பட்டிருக்கும் நிலையில்,வீட்டு உபயோகத்திற்கான சிலிண்டர் விலை உயர்வு ஏழை மற்றும் நடுத்த மக்களுக்கு பெரும் அதிர்ச்சியை ஏற்படுத்தியுள்ளது.

இந்நிலையில்,2014 ஆம் ஆண்டில் 2 சிலிண்டர் வாங்கும் அளவுக்கு பணம் இருந்த நிலையில்,தற்போது அதே அளவு பணம் 1 சிலிண்டர் வாங்குவதற்கு மட்டுமே போதுமானதாக உள்ளது என்று மத்திய அரசை கண்டித்து ராகுல்காந்தி ட்வீட் செய்துள்ளார்.

இது தொடர்பாக,தனது ட்விட்டர் பக்கத்தில் அவர் கூறியதாவது: 2014 இல் காங்கிரஸ் ஆட்சியில் சிலிண்டர் விலை ரூ.410 ஆக இருந்த நிலையில்,மானியம் ரூ.827 வழங்கப்பட்டது.

ஆனால், தற்போது பாஜக ஆட்சியில் சிலிண்டர் விலை ரூ.999 ஆக உயர்ந்துள்ளது. ஆனால், சிலிண்டருக்கு மானியம் தரப்படுவதில்லை. இதனால் காங்கிரஸ் ஆட்சியில் 2 சிலிண்டர்கள் வாங்குவதற்கான தொகை, தற்போது 1 சிலிண்டர் வாங்க மட்டுமே போதுமானதாக உள்ளது”,என்று குற்றம் சாட்டியுள்ளார்.

Views: - 852

0

0