நிதி நிறுவனம் நடத்தி 65 கோடி மோசடி : மேலும் இருவர் கைது

24 November 2020, 9:59 pm
Quick Share

கோவை: கோவையில் நிதி நிறுவனம் நடத்தி 65 கோடி மோசடி செய்த வழக்கில் மேலும் இருவரை பொருளாதார குற்றப்பிரிவு போலீசார் கைது செய்தனர்.

கோவை ராமநாதபுரம் அருகே உள்ள கிருஷ்ணசாமி நகரில் ஆன்லைன் நிதி நிறுவனம் செயல்பட்டு வந்தது இந்த நிறுவனத்தின் பங்குதாரர்களாக சென்னையைச் சேர்ந்த மணிகண்டன், அவரது மனைவி பத்மாவதி, மகள் சரண்யா, சஞ்சய்குமார், சீனிவாசன், கார்த்திகேயன், ஆகியோர் இருந்து வந்தனர். இவர்கள் வாடிக்கையாளர்களிடம் தங்கள் நிதி நிறுவனத்தில் முதலீடு செய்தால் இரட்டிப்பு தொகையை திருப்பித் தருவதாக கூறியுள்ளனர். இதனை நம்பி ஏராளமானோர் நிறுவனத்தில் முதலீடு செய்தனர். ஆனால் அவர்கள் கூறியபடி பணத்தை திருப்பிக் கொடுக்காமல் ரூ 65 கோடி மோசடி செய்துள்ளனர்.

பாதிக்கப்பட்டவர்கள் இதுகுறித்து கோவை பொருளாதார குற்றப்பிரிவில் புகார் செய்தனர் போலீசார் வழக்குப்பதிவு செய்து பங்குதாரர்களாக மணிகண்டன், சஞ்சய் குமார், ஆகியோரை கைது செய்தனர். மேலும் தலைமறைவாக இருந்த மணிகண்டனின் மனைவி பத்மாவதி, மகள் சரண்யா, சீனிவாசன், மற்றும் கார்த்திகேயன் ஆகியோரை தேடி வந்தனர். இந்த நிலையில் போலீசார் பத்மாவதி, அவரது மகள் சரண்யா ஆகியோரை கைது செய்து சிறையில் அடைத்தனர். தலைமறைவாக உள்ள சீனிவாசன் கார்த்திகேயன் ஆகியோரை தேடி வருகிறார்கள்.

Views: - 0

0

0