அறையில் இருந்து தலைவர்கள் படங்களை மாத்துங்க : பதவியேற்ற பின் கோவை மேயர் போட்ட முதல் உத்தரவு!

கோவை மாநகராட்சியின் புதிய மேயராக பொறுப்பேற்று உள்ள ரங்கநாயகி, தனது பதவிக் காலத்தின் முதல் உத்தரவாக மேயர் அறையில் உள்ள தலைவர்களின் புகைப்படங்களை மாற்ற உத்தரவிட்டு உள்ளார்.

பல ஆண்டுகளாக மேயர் அறையில் இருந்த புகைப்படங்களில் தலைவர்களுக்கு தகுந்த மரியாதை இல்லாமல் இருந்ததை கவனித்த ரங்கநாயகி, உடனடியாக அவற்றை மாற்ற உத்தரவிட்டார்.

குறிப்பாக, ராமசாமி மற்றும் அண்ணாதுரை என்ற பெயர்களுக்கு பதிலாக, தந்தை பெரியார் மற்றும் பேரறிஞர் அண்ணா என்று மாற்றுமாறு அறிவுறுத்தி உள்ளார்.இந்த நடவடிக்கை, தலைவர்களின் மீதான மரியாதையை வெளிப்படுத்தும் வகையில் அமைந்து உள்ளது.

மேலும், இது மேயர் ரங்கநாயகியின் நிர்வாகத்தின் மீதான அக்கறையையும் காட்டுகிறது. புதிய மேயரின் இந்த முதல் உத்தரவு, அவரது பதவிக் காலத்தில் மேற்கொள்ளப்படும் மாற்றங்களுக்கான ஒரு அறிகுறியாக பார்க்கப்படுகிறது.