ரிதன்யாவுக்கு நடந்த மாதிரி.. திருப்பூரில் மீண்டும் ஒரு பெண்.. கொட்டிக் கொடுத்தும் கொடூரம்!

ரிதன்யாவின் தற்கொலை வடு மறையும் முன்பே, திருப்பூர் பிரண்ட்ஸ் கார்டன் பகுதியில் பிரீத்தி என்ற இளம்பெண்ணின் உயிரும் வரதட்சணை கொடுமையால் பறிக்கப்பட்டுள்ளது.

என்ன நடந்தது?

கடந்தாண்டு செப்டம்பர் 15-ஆம் தேதி, பிரீத்திக்கு சதீஷ்வர் என்பவருடன் திருமணம் நடந்தது. திருமணத்தின் போது, 120 சவரன் தங்கம், 25 லட்சம் ரொக்கம், இன்னோவா கார் என பெண் வீட்டார் தாராளமாக வழங்கியுள்ளனர். ஆனால், இவை எல்லாம் போதாதென, பிரீத்தியின் பூர்வீகச் சொத்து விற்பனையில் கிடைத்த 50 லட்ச ரூபாயை கேட்டு, கணவர் மற்றும் அவரது குடும்பத்தினர் பிரீத்தியை மனரீதியாகவும், உடல்ரீதியாகவும் கொடுமைப்படுத்தியதாக பெற்றோர் குற்றம்சாட்டுகின்றனர். இதனால் மனமுடைந்த பிரீத்தி, தனது உயிரை மாய்த்துக்கொண்ட சம்பவம் நெஞ்சை உலுக்குகிறது.

Dowry Issue Woman Suicide behalf of Husbands Family Torture

நடவடிக்கை என்ன?

பிரீத்தியின் பெற்றோர், கணவர் சதீஷ்வர் மற்றும் அவரது குடும்பத்தினர் மீது காவல் நிலையத்தில் புகார் அளித்துள்ளனர். இந்த சம்பவம், வரதட்சணை கொடுமைகளுக்கு எதிரான குரலை மீண்டும் ஒலிக்கச் செய்துள்ளது.இது எதை உணர்த்துகிறது?
பெண்ணின் உயிரை விலையாகக் கேட்கும் இந்த கொடூர பழக்கம், நம் சமூகத்தில் இன்னும் வேரூன்றியிருப்பது வேதனை.

பிரீத்தியின் மறைவு, சமூகத்திற்கு ஒரு எச்சரிக்கை மணி! வரதட்சணை எனும் விஷ வித்தை அழிக்க, கல்வி, விழிப்புணர்வு, கடுமையான சட்டங்கள் மூலம் நாம் ஒன்றிணைய வேண்டும்.