‘ஜாலியோ ஜாலி’..!! 2வது நாளாக கிடுகிடுவென குறைந்தது தங்கம் ; சவரன் எவ்வளவு தெரியுமா..?

14 October 2020, 10:58 am
Quick Share

கடந்த சில நாட்களாக ஏற்றம், இறக்கமாக இருந்து வரும் தங்கத்தின் விலை, இன்று சற்று சரிந்துள்ளது.

நாட்டின் பணவீக்க உயர்விற்கு முக்கிய ஆதாரமாக கருதப்படும் தங்கத்தில் இந்திய மக்கள் அதிகளவில் முதலீடு செய்தும், பயன்படுத்தியும் வருகின்றனர். தங்கத்தை பாதுகாப்பான மற்றும் லாபகரமான முதலீடாகவும் சமானியர்கள் மட்டும் அல்லாமல் பங்குச்சந்தை முதலீட்டாளர்களும் இது முக்கிய முதலீடாக திகழ்கிறது.

இதற்கிடையே கொரோனாவால் ஏற்பட்ட பொருளாதார நெருக்கடியால், முதலீட்டாளர்கள் தங்கத்தின் மீது முதலீடு செய்வதை அதிகரித்துள்ளனர். இதனால் தங்கத்தின் விலை நாளுக்கு நாள் ஏறியும், இறங்கியும் வாடிக்கையாளர்களிடம் கண்ணாம் பூச்சி விளையாடி வருகிறது

கடந்த சில நாட்களாக ஏற்றம், இறக்கமாக இருந்து வரும் தங்கத்தின் விலை, 2வது நாளாக இன்றும் சற்று குறைந்திருப்பது ஓரளவுக்கு மக்களை மகிழ்ச்சிபடுத்தியுள்ளது.

இன்று காலை நிலவரப்படி தங்கத்தின் விலை சவரனுக்கு ரூ.376 குறைந்து ரூ.38,704க்கு விற்பனை செய்யப்படுகிறது. கிராமிற்கு ரூ.47 குறைந்து ரூ.4,836-க்கு விற்பனையாகி வருகிறது. சென்னையில் ஒரு கிராம் வெள்ளியின் விலை ரூ.64-க்கு விற்பனை செய்யப்படுகிறது.

Leave a Reply