தென் திருப்பதி தரிசனம் செய்ய பக்தர்களுக்கு ஆன்லைன் டிக்கெட் விநியோகம்

17 September 2020, 10:50 pm
Quick Share

விருதுநகர்: ஸ்ரீவில்லிபுத்தூர் தென்திருப்பதி தரிசனம் செய்ய பக்தர்களுக்கு ஆன்லைன் டிக்கெட் விநியோகம் செய்யப்படவதாகவும், ஆன்லைனில் பதிவு செய்வோருக்கு தனிவரிசை என்றும் கோவில் நிர்வாகம் அறிவித்துள்ளது.

விருதுநகர் மாவட்டம் ஸ்ரீவில்லிபுத்தூர் தென் திருப்பதி தரிசனம் செய்ய கோவில் நிர்வாகம் ஆன்லைன் வசதியை ஏற்படுத்தியுள்ளது. ஸ்ரீவில்லிபுத்தூர் அருகே திருவண்ணாமலை என்ற பகுதியில் தென்திருப்பதி என்று அழைக்கப்படும் ஸ்ரீனிவாச பெருமாள் கோவில் மலை உச்சியில் அமைந்துள்ளது. வருடம்தோறும் இங்கே பல்லாயிரக் கணக்கான பக்தர்கள் வந்து தரிசனம் செய்து செல்வர். குறிப்பாக புரட்டாசி மாதங்களில் வரும் சனிக்கிழமைகளில் இங்கு நடைபெறும் பிரம்மோற்சவ கருட சேவை உற்ஸவத்தில் மாநிலம் முழுவதிலும் இருந்து லட்சக்கணக்கான பக்தர்கள் இங்கு வந்து நேர்த்திக்கடன் செலுத்தி சாமி தரிசனம் செய்து செல்வார்.

இந்நிலையில் தற்போது சில தளர்வுகள் உடன் கொரோணா ஊரடங்கு அமலில் உள்ள நிலையில் வரும் 19ஆம் தேதி புரட்டாசி முதல் வாரம் கருடசேவை நடைபெற உள்ளது. இதில் பங்கேற்க குழந்தைகள் மற்றும் 60 வயது முடிந்தவர்களுக்கு அனுமதி இல்லை என்ற நிலையில் தற்போது பொதுமக்களின் வசதிக்காக காலை 3.30 மணி முதல் மாலை 7.30 மணி வரை அரைமணி நேரத்திற்க்கு ஒரு முறை என்ற 16 வகையான நேர கால அட்டவணைகள் அறிவிக்கப்பட்டுள்ளது.

இந்த கால அட்டவணைகளில் தரிசனம் செய்ய விரும்புவோர் திருக்கோவில் வெளியிட்டுள்ள தெரிவிக்கப்பட்டுள்ளது. www.tnhrce.gov.in வெப்சைட்டில் தங்களுக்கான ஆன்லைன் டிக்கெட்டை பதிவு செய்து கொள்ளலாம். இவ்வாறு ஆன்லைனில் பதிவு செய்யும் பக்தர்களுக்கு தனி வரிசை அமைக்கப்பட்டுள்ளதால் சமூக இடைவெளியுடன் விரைவாகவும் ,பாதுகாப்பாகவும் தரிசனம் செய்யலாம். மேலும் திருக்கோவிலுக்கு வரும் பக்தர்கள் அனைவரும் கண்டிப்பாக மாஸ்க் அணிந்தால் மட்டுமே ஆன்லைன் வரிசை மற்றும் பொது தரிசன வரிசையில் அனுமதிக்கப்படுவார் என்றும் கோவில் நிர்வாகம் அறிவித்துள்ளது.