செம்பரம்பாக்கம் ஏரி நீர்திறப்பு குறைப்பு : அடையாற்றில் வெள்ள அபாயம் நீங்குகிறது!!

26 November 2020, 7:08 am
Chembarambakkam - Updatenews360
Quick Share

செம்பரம்பாக்கம் ஏரியில் இருந்து திடீரென அதிக அளவில் தண்ணீர் திறந்து விடப்பட்டதால் கடந்த 2015-ம் ஆண்டு சென்னை வெள்ளத்தில் மிதந்தது. அதுபோன்று தற்போது நடந்து விடக்கூடாது என்பதால், கனமழை பெய்து கொண்டிருக்கும் நிலையில் செம்பரம்பாக்கம் ஏரியை பொதுப்பணித்துறை அதிகாரிகள் ஆய்வு செய்து வந்தனர்.

சென்னை மற்றும் சென்னையை சுற்றியுள்ள பகுதிகளில் நேற்றில் இருந்து தொடர்ந்து மழை பெய்து வருவதால் ஏரியின் நீர்மட்டம் 22 அடியை நெருங்கியது. இதனால் நேற்று மதியம் 12 மணிக்கு செம்பரம்பாக்கம் ஏரியில் இருந்து தண்ணீர் திறக்கப்பட்டது. முதலில் 1000 கனஅடி நீர் திறக்கப்பட்டது. அதன்பின் 1,500 கனஅடியாக உயர்த்தப்பட்டது.

ஏரிக்கு நீர்வரத்து அதிகரித்துக் கொண்டிருப்பதால் அணையில் இருந்து 3000 கனஅடி நீர் திறந்து விடப்பட்டது. அது மாலை 6 மணியில் இருந்து 5 ஆயிரம் கனஅடியாக உயர்த்தப்பட்டுள்ளது. ஏரிக்கு 6500 கனஅடி நீர் வருவதால், அணையில் இருந்து வினாடிக்கு 7 ஆயிரம் கனஅடி நீர் வெளியேற்றப்படுகிறது.

இந்த நிலையில் ஏரியில் இருந்து வெளியேற்றப்படும் நீர் குறைக்கப்பட்டுள்ளது. நீரின் அளவு மேலும் 2000 கனஅடி குறைக்கப்பட்டுள்ளது. செம்பரம்பாக்கம் ஏரியில் இருந்து வினாடிக்கு 5000 கனஅடி நீர் திறப்பு குறைக்கப்பட்டுள்ளது.

செம்பரம்பாக்கம் ஏரி நீர் திறப்பு குறைப்பால் அடையாற்றில் படிப்படியாக வெள்ள அபாயம் நீங்குகிறது.

Views: - 16

0

0