5 மாவட்டங்களில் சதத்துடன் நிற்கும் கொரோனா : இன்று ஒரே நாளில் 1,891 பேருக்கு பாதிப்பு

21 July 2021, 8:45 pm
Corona_Second_Wave_UpdateNews360
Quick Share

சென்னை : தமிழகத்தில் கொரோனா வைரஸால் பாதிக்கப்பட்டவர்களின் எண்ணிக்கை இன்றும் 2,000க்கு கீழ் குறைந்துள்ளது.

கொரோனாவின் 2வது அலை பரவத் தொடங்கியதால் பாதிப்பு எண்ணிக்கை கடந்த சில நாட்களாக அதிகரித்து வந்தது. ஆனால், கடந்த ஒரு மாதமாக கொரோனா பாதிப்பு குறைந்து வருகிறது. இந்த நிலையில், இன்று 2 ஆயிரத்திற்கும் கீழான பாதிப்புகள் பதிவாகியுள்ளது. அதாவது, 1,891பேருக்கு தொற்று உறுதி செய்யப்பட்டுள்ளது. இதன்மூலம், தமிழகத்தில் கொரோனாவால் பாதிக்கப்பட்டவர்களின் எண்ணிக்கை 25,41,168ஆக அதிகரித்துள்ளது.

அதிகபட்சமாக, கோவையில் இன்று 183 பேர் பாதிக்கப்பட்டுள்ளனர். சென்னையில் 138 பேருக்கும், திருப்பூரில் 97 பேருக்கும், ஈரோட்டில் 119 பேருக்கும், சேலத்தில் 119 பேருக்கும் உறுதியாகியுள்ளது.

தமிழகத்தில் இன்று 27 பேர் உயிரிழந்துள்ளனர். இதனால், கொரோனாவால் உயிரிழந்தவர்களின் எண்ணிக்கை 33,809 ஆக உயர்ந்துள்ளது. இன்று ஒரே நாளில் 2,423 பேர் டிஸ்சார்ஜ் ஆகியுள்ளனர். இதுவரையில் குணமடைந்தவர்களின் எண்ணிக்கை 24 லட்சத்து 81 ஆயிரத்து 201ஆக அதிகரித்துள்ளது.

Views: - 98

0

0

Leave a Reply