12 வயதில் 70 உலக சாதனை; யோகாவில் கலக்கும் சிறுமி பிரிஷா…!

Author: kavin kumar
26 September 2021, 4:31 pm
Quick Share

திருச்சி: திருநெல்வேலியை சேர்ந்த 7ம் வகுப்பு படிக்கும் சிறுமி 3வது டாக்டர் பட்டம் பெற உள்ளார். முன்னதாக பல்வேறு உலக சாதனை புரிந்த சிறுமிக்கு இன்று அமெரிக்கா உலக தமிழ் பல்கலைக்கழகம் சார்பில் இரண்டாவது கௌரவ டாக்டர் பட்டம் வழங்கப்பட்டது.

திருநெல்வேலி மாவட்டம் கார்திகேயன்-தேவிபிரியா ஆகியோர் தம்பதியின் மகள் பிரிஷா(12). இவர் மீனா சங்கர வித்யாலயா பள்ளியில் 7ம் வகுப்பு படித்து வருகிறார். தனது பாட்டி மற்றும் தாய் ஆகியோர் செய்து வந்த யோகாசனத்தை கண்டு தனக்கு இரண்டு வயதில் ஆர்வமிகுதியால் யோகாசனம் கற்க ஆரம்பித்தார். இதனை தொடர்ந்து தற்போது வரை யோகாசனத்தில் 70 உலக சாதனைகள் புரிந்துள்ளார். மத்திய அரசின் நிறுவனமான NCPCR உலகின் முதல் இளம் வயது யோகாசிரியர் என்ற பட்டத்தை வழங்கியது. இதனை தொடர்ந்து நியூ ஜெருசலேம் பல்கலைக்கழகமும் இவரது உலக யோகா சாதனையை கண்டு உலகின் முதல் கௌரவ டாக்டர் பட்டத்தை வழங்கியது.

கடந்த இரண்டு வருடங்களாக ஆன்லைன்‌ முலமாக யோக வகுப்புகள் எடுத்து பொதுமக்கள் மத்தியில் யோக குறித்த விழிப்புணர்வு ஏற்படுத்தி வருகிறார். குறிப்பாக பார்வையற்ற மாணவர்களுக்கு இலவசமாக கற்பித்து வருகிறார்.இதன் மூலமாக இவரிடம் பயிற்சி பெற்ற கணேஷ்குமார் என்ற பார்வையற்ற மாணவர் யோகாவில் உலகில் முதல் பார்வையற்றோர் உலக சாதனையாளர் பட்டியலில் இடம் பெற்றார். தற்போது பிரிஷா, மலேசியா மற்றும் தாய்லாந்து நாடுகளில் நடைபெற்ற சர்வதேச யோகாசன போட்டிகளில் இந்தியா சார்பில் கலந்து கொண்டு தங்க பதக்கங்களை வென்றார்.

பல்வேறு உலக சாதனை புரிந்த ப்ரிஷாவிற்க்கு இன்று அமெரிக்கா உலக தமிழ் பல்கலைக்கழகம் சார்பில் இரண்டாவது கௌரவ டாக்டர் பட்டம் வழங்கப்பட்டது. இந்த பட்டத்தை அமெரிக்க உலக தமிழ் பல்கலைக்கழக வேந்தர் ராய் பெர்ணான்டோ வழங்கினார். இந்த விழாவில் சிறப்பு விருந்தினராக தொழிலதிபர் மனோகரன் மற்றும் உறவினர்கள் பலர் கலந்து கொண்டனர்.

Views: - 256

0

0