தங்கம் விலை இன்று குறைந்தது: இன்றைய விலை நிலவரம்..!!

7 June 2021, 1:36 pm
gold rate today - updatenews360
Quick Share

சென்னை: ஏற்ற, இறக்கங்களை சந்தித்து வரும் தங்கத்தின் விலை இன்று சவரனுக்கு ரூ.24 குறைந்து விற்பனையாகிறது.

தொழில்துறை தேக்கத்தைத் தொடர்ந்து உலகம் முழுவதுமே தங்கம் விலையில் நிலையின்மை நிலவுகிறது. முதலீட்டாளர்கள் பாதுகாப்பான முதனைலீடுகளில் கவனம் செலுத்த முடிவெடுத்து, பங்குச் சந்தை, ரியல் எஸ்டேட், அமெரிக்க டாலர்கள் என இருந்த முதலீடுகளை மாற்றித் தங்கத்தில் முதலீடு செய்யத் தொடங்கினர்.

இதனால் தங்கத்தின் தேவை அதிகரித்து, அதன் விலை கணிசமாக உயர்ந்து வந்தது. கொரோனா வைரஸ் பாதிப்பால் ஏற்பட்ட பீதியாலும் தங்கம் விலையில் ஏற்ற இறக்கங்கள் நிலவி வந்தன. அமெரிக்கா மற்றும் ஐரோப்பிய நாடுகளிலும் கொரோனா எதிரொலியாக வங்கி வட்டி விகிதங்கள் பெருமளவு குறைந்துள்ளன.
இதனால் அந்நாடுகளின் முதலீட்டாளர்கள், முதலீட்டு நிறுவனங்கள் தங்கத்தை வாங்கி வருகின்றன. இந்த நிலையில் தங்கம் விலை இன்று குறைந்துள்ளது. ஆபரணத் தங்கத்தின் விலை கிராமுக்கு ரூ.3 குறைந்து ரூ.4612க்கு விற்பனையாகிறது. சவரனுக்கு ரூ.24 குறைந்து ரூ.36896க்கு விற்பனையாகிறது.

இதேபோல் 24 காரட் தங்கத்தின் விலை 8 கிராம் ரூ.39768க்கு விற்பனையாகிறது. வெள்ளியின் விலை 20 பைசா குறைந்து 1 கிராம் வெள்ளி ரூ.76.10க்கு விற்பனையாகிறது. 1 கிலோ வெள்ளியின் விலை இன்று ரூ.76,100 ஆக உள்ளது.

Views: - 534

0

0