விஜய் ஒரு படத்துக்கு எவ்வளவு சம்பளம் வாங்குகிறார் என முறையாக கணக்கு காட்டுவாரா? அமைச்சர் டுவிஸ்ட்.!!

கடந்த ஆண்டு டிசம்பர் மாதம் பெஞ்சல் புயல் காரணமாக தமிழ்நாட்டில் கடலூர், விழுப்புரம், கள்ளக்குறிச்சி, திருவண்ணாமலை உள்ளிட்ட பகுதிகள் பெரிதும் பாதிக்கப்பட்டது.

அதிலும் குறிப்பாக விழுப்புரம் மாவட்டம் மணம்பூண்டி, அரகண்டநல்லூர், தேவனூர் உள்ளிட்ட பகுதிகளில் புயலின் காரணமாக பெய்த கனமழையின் காரணமாகவும், தென்பெண்ணை ஆற்றில் ஏற்பட்ட வெள்ளப்பெருக்கின் காரணமாகவும் இப்பகுதி முழுவதுமாக வெள்ளக்காடாக நீரில் தத்தளித்தது.

இதையும் படியுங்க: நகைக்கடன் ரூ.2 லட்சத்திற்கு குறைவாக இருந்தால்.. எடப்பாடி பழனிசாமி வைத்த முக்கிய கோரிக்கை..!!

இந்த நிலையில், அரகண்டநல்லூர் பகுதியில் அமைந்துள்ள அரசு ஒழுங்குமுறை விற்பனை கூடத்தில் வியாபாரிகள் 44 பேர் வைத்திருந்த விலை பொருட்கள் முழுவதும் நீரில் மூழ்கியும், அடித்தும் செல்லப்பட்டும் வீணானது.

இந்த நிலையில், பாதிப்புக்கு உள்ளான வியாபாரிகளுக்காக ஒழுங்கு முறை விற்பனை கூடத்தின் மூலமாக வியாபாரிகள் தங்களது விலை பொருட்களுக்கு இன்சூரன்ஸ் செய்திருந்தனர்.

அதன் அடிப்படையில் இழப்பீட்டு தொகையாக ( ரூபாய் 3 கோடியே 12 லட்சம்) 3,12,68,466 ரூபாயை வேளாண் துறை அமைச்சர் எம்.ஆர்.கே. பன்னீர்செல்வம் பாதிக்கப்பட்ட வியாபாரிகளுக்கு இன்று வழங்கினார்.

மனம்பூண்டி பகுதியில் அமைந்துள்ள முகையூர் வட்டார வளர்ச்சி அலுவலகத்தில் நடைபெற்ற நிகழ்ச்சியில் பாதிக்கப்பட்ட வியாபாரிகளுக்கு இழப்பீட்டு தொகையை அவர் வழங்கினார். இந்நிகழ்ச்சியில் திருக்கோவிலூர் சட்டமன்ற உறுப்பினரும் முன்னாள் அமைச்சருமான பொன்முடி, விழுப்புரம் மாவட்ட ஆட்சியர் உள்ளிட்டோர் கலந்து கொண்டனர்.

பின்னர்,2026 தேர்தலில் ஊழல் அற்ற அரசியல்வாதிகளை தேர்ந்தெடுங்கள் என நடிகர் விஜய் கூறியது குறித்து செய்தியாளர்கள் கேட்ட கேள்விக்கு. அவங்க வாங்குற சம்பளத்தை நேர்மையாக கொடுக்கிறாரா, விஜய் அட்வைஸ் பண்ட்ராரே அவர் வாங்குற சம்பளத்தை ஒரிஜினலா ஒரு படத்துக்கு எவ்வளவு சம்பளம் வாங்குகிறாரூ என்கிற கணக்கை ஒழுங்கா ஒப்படைக்கிறாரா என கேள்வி எழுப்பினார்.

விஷால் வீட்டுல அனுமதி எதுக்கு கேட்கணும்.. நான் இப்படித்தான் : சாய் தன்ஷிகா ஓபன் டாக்!