தொடர்ந்து இரண்டாவது மாதமாக ஒரு லட்சம் கோடியைத் தாண்டியது ஜிஎஸ்டி வரி வருவாய்..!

மத்திய மற்றும் மாநில அரசாங்கங்களின் சரக்கு மற்றும் சேவை வரி (ஜிஎஸ்டி) வருவாய் தொடர்ச்சியாக இரண்டாவது மாதமாக கடந்த நவம்பர் மாதத்திலும் ரூ 1 லட்சம் கோடியைத் தாண்டியது. ஜிஎஸ்டி வசூல் கடந்த ஆண்டின் இதே காலகட்டத்துடன் ஒப்பிடுகையில் 1.4% அதிகரித்துள்ளது.

நிதி அமைச்சக அறிக்கையின்படி, நவம்பர் மாதத்தில் வசூலிக்கப்பட்ட மொத்த ஜிஎஸ்டி வருவாய் ரூ 1,04,963 கோடி ஆகும். அதில் மத்திய அரசின் ஜிஎஸ்டி வருவாய் ரூ 19,189 கோடி, மாநில அரசின் ஜிஎஸ்டி வருவாய் ரூ .25,540 கோடியாகும்.

மேலும் மாநிலங்களுக்கிடையேயான ஜிஎஸ்டி வருவாய் ரூ 51,992 கோடி (இறக்குமதி செய்யப்பட்ட பொருட்களுக்கு வசூலிக்கப்பட்ட ரூ 22,078 கோடி உட்பட) மற்றும் செஸ் ரூ 8,242 கோடி (இறக்குமதி செய்யப்பட்ட பொருட்களுக்கு சேகரிக்கப்பட்ட ரூ 809 கோடி உட்பட) வசூலாகியுள்ளது எனத் தெரியவந்துள்ளது. மேலும் நவம்பர் 30, 2020 வரை தாக்கல் செய்யப்பட்ட மொத்த ஜிஎஸ்டிஆர் -3 பி ரிட்டர்ன்ஸ் எண்ணிக்கை 82 லட்சமாகும்.

மத்திய அரசின் ஜிஎஸ்டிக்கு ரூ 22,293 கோடியும், மாநிலங்களுக்கிடையேயான ஜிஎஸ்டியிலிருந்து மாநில அரசின் ஜிஎஸ்டிக்கு ரூ 16,286 கோடியும் வழக்கமான வருவாயாக அரசு நிர்ணயித்துள்ளது. 2020 நவம்பரில் வழக்கமான வருவாய்க்குப் பிறகு மத்திய அரசு மற்றும் மாநில அரசுகள் சம்பாதித்த மொத்த வருவாய் முறையே ரூ 41,482 கோடியும், ரூ 41,826 கோடியும் ஆகும்.

ஜிஎஸ்டி வருவாயில் சமீபத்திய மீட்பு போக்குக்கு ஏற்ப, 2020 நவம்பர் மாதத்திற்கான வருவாய் கடந்த ஆண்டு இதே மாதத்தில் ஜிஎஸ்டி வருவாயை விட 1.4% அதிகம் என்பது குறிப்பிடத்தக்கது. பொருட்களின் இறக்குமதியிலிருந்து வருவாய் 4.9% அதிகமாகவும், உள்நாட்டு பரிவர்த்தனையின் வருவாய் (சேவைகளின் இறக்குமதி உட்பட) கடந்த ஆண்டு இதே மாதத்தில் இந்த மூலங்களிலிருந்து கிடைத்த வருவாயை விட 0.5% அதிகமாகவும் உள்ளது.

முன்னதாக அக்டோபரிலும் ஜிஎஸ்டி வசூல் ரூ 1.55 லட்சம் கோடியாக இருந்தது என்பது குறிப்பிடத்தக்கது.

Updatenews Sekar

See author's posts

Views: - 0

0

0