1200 கோடியை வசூலிக்க அம்பானியை தீர்பாயத்திற்கு இழுக்கும் எஸ்பிஐ..! திவால் நோட்டீஸ் கொடுத்த ரிலையன்ஸ் நிறுவனம்..!

1 July 2020, 12:20 am
anil_ambani_updatenews360
Quick Share

திவால் சட்டத்தின் தனிப்பட்ட உத்தரவாத பிரிவின் கீழ் 1,200 கோடி ரூபாயை மீட்க வேண்டும் என்று அனில் அம்பானிக்கு எதிரான ஸ்டேட் பாங்க் ஆப் இந்தியாவின் மனுவில் தேசிய நிறுவன சட்ட தீர்ப்பாயம் (என்.சி.எல்.டி) தனது தீர்ப்பை நிறுத்தி வைத்துள்ளது.

பொதுத்துறை வங்கியான எஸ்பிஐ, திவாலாகும் நிலை மற்றும் திவால் கோட் (ஐபிசி)’இன் பிரிவு 97 (3)’இன் கீழ் தீர்ப்பாயத்தை அணுகி, இருவனம் குறித்து அறிக்கை அளிக்க ஒரு தலையீட்டு நிபுணரை அம்பானி பரிந்துரைக்க கோரிக்கை விடுத்துள்ளது.

ரிலையன்ஸ் கம்யூனிகேஷன்ஸ் மற்றும் ரிலையன்ஸ் இன்ஃப்ராடெல் நிறுவனங்களுக்கு வழங்கப்பட்ட கடன்களுக்கு அனில் அம்பானி தனிப்பட்ட உத்தரவாதம் அளித்திருந்தார்.

இரு தரப்பினரையும் விசாரித்த பின்னர், நீதித்துறை உறுப்பினர் முகமது அஜ்மல் மற்றும் தொழில்நுட்ப உறுப்பினர் ரவிக்குமார் துரைசாமி ஆகியோரின் டிவிஷன் பெஞ்ச் இந்த உத்தரவை நிறுத்தி வைத்துள்ளது.

2019’ஆம் ஆண்டின் முற்பகுதியில், அனில் அம்பானி தலைமையிலான ரிலையன்ஸ் குழுமத்தின் முதன்மை நிறுவனமான ரிலையன்ஸ் கம்யூனிகேஷன்ஸ் திவால்நிலைக்கு விண்ணப்பித்திருந்தது.

மார்ச் மாதத்தில், ஸ்டேட் பாங்க் ஆப் இந்தியா ரிலையன்ஸ் கம்யூனிகேஷனுக்கான தீர்மானத் திட்டத்திற்கு ஒப்புதல் அளித்தது.  இதன் மூலம் வங்கிகள் தங்கள் பணத்தில் சுமார் 23,000 கோடி ரூபாய் வசூலிக்க நினைத்தது, இதன் மூலம் கிட்டத்தட்ட 50 சதவிகிதம் கடன் தள்ளுபடியாக உள்ளது குறிப்பிடத்தக்கது.