முன்பதிவில் மட்டுமே இவ்வளவு கோடி கலெக்சனா? வசூல் வேட்டையில் வெறித்தனம் காட்டும் கூலி!

நாளை அதிரப்போகும் திரையரங்கம்!

லோகேஷ் கனகராஜ் இயக்கத்தில் ரஜினிகாந்த் நடிப்பில் உருவாகியுள்ள “கூலி” திரைப்படம் நாளை திரையரங்குகளில் வெளியாகவுள்ள நிலையில் ரசிகர்கள் பலரும் மிக ஆவலோடு இத்திரைப்படத்தின் வருகைக்காக காத்துக்கொண்டிருக்கின்றனர். இப்போதே “கூலி” திரைப்படம் வெளியாகும் திரையரங்குகளில் கட் அவுட்கள் வைக்கப்பட்டு திருவிழா கோலத்தில் காட்சியளிக்கிறது. 

தமிழ்நாடு மட்டுமல்லாது உலகம் முழுவதும் உள்ள பல தரப்பு ரசிகர்கள் “கூலி” திரைப்படத்தை பார்ப்பதற்காக வெறிகொண்டு காத்திருக்கின்றனர். இத்திரைப்படத்தின் டிக்கெட் முன்பதிவு சில நாட்களுக்கு முன் தொடங்கப்பட்டது. டிக்கெட் முன்பதிவு தொடங்கப்பட்ட சில மணி நேரங்களிலேயே உலகம் முழுவதும் பெரும்பாலான திரையரங்குகளில் அனைத்து டிக்கெட்டுகளும் மளமளவென விற்றுத்தீர்ந்தது.

இவ்வாறு நாளை உலகமே எதிர்பார்த்து காத்துக்கொண்டிருக்கும் “கூலி” திரைப்படம் வெளியாகவுள்ள நிலையில் முன்பதிவில் அள்ளிய வசூலை குறித்த ஒரு தகவல் வெளியாகியுள்ளது. 

முன்பதிவில் அள்ளிய வசூல்!

அதாவது இதுவரை நடந்த முன்பதிவில் மட்டுமே  ரூ.85 கோடி வசூலாகியுள்ளதாக தகவல்கள் வெளிவருகின்றன. வட அமெரிக்காவில் முன்பதிவில் மட்டுமே ரூ.17 கோடிகளுக்கும் மேல் வசூல் செய்த முதல் தமிழ் திரைப்படம் இதுதான் என்பது குறிப்பிடத்தக்கது. 

இவ்வாறு வெளியாவதற்கு முன்பே மிகப் பெரிய வசூலை பார்த்துள்ளது “கூலி” திரைப்படம். நாளை இத்திரைப்படம் வெளியாகவுள்ள நிலையில் இத்திரைப்படத்தை வரவேற்க ரசிகர்கள் பலரும் கொண்டாட்டத்துடன் தயாராகி வருகின்றனர். 

பிரியும் நேரத்தில் சைந்தவியை புரிந்து கொண்ட ஜி.வி பிரகாஷ்.. விவாகரத்து வழக்கில் மலர்ந்த பாசம்!