கவர்ச்சிக்காகவே கல்லா கட்டிய மும்தாஜ்.. சினிமாவை விட்டு விலக காரணமே இதுதான்..!

தமிழ் சினிமாவில் ஒரு சில நடிகைகள் ஒரு சில திரைப்படங்களில் நடித்து இருந்தாலும் ரசிகர்கள் மனதில் நீங்கா இடத்தை பிடித்து விடுவார்கள் அந்த வகையில் ரசிகர்கள் மனதில் நீங்கா இடத்தை பிடித்தவர் தான் நடிகை மும்தாஜ். இவர் 90 காலகட்டத்தில் ரசிகர்களின் கனவு கன்னியாக வலம் வந்தவர். சினிமாவில் நடிக்க வந்த ஆரம்ப காலகட்டத்தில் தன்னை ஒரு நடிகையாக காட்டிக் கொண்டார் இவருக்கு பட வாய்ப்பும் கிடைத்தது.

போகப்போக சரியான பட வாய்ப்பு கிடைக்காததால் தன்னை ஒரு கவர்ச்சி நடிகையாக மாற்றிக் கொண்டார் இவர் தமிழ் சினிமாவில் முதன் முதலாக டி ராஜேந்திரன் இயக்கத்தில் வெளியாகிய மோனிசா என் மோனலிசா என்ற திரைப்படத்தில் மோனிஷா என்ற கதாபாத்திரத்தில் அறிமுகமானார் அதனைத் தொடர்ந்து உனக்காக எல்லாம் உனக்காக, பட்ஜெட் பத்மநாபன், குஷி, லூட்டி சொன்னால்தான் காதலா, ஸ்டார், வேதம் என பல திரைப்படங்களில் நடித்து வந்தார்.

தமிழ் மட்டுமல்லாமல் தெலுங்கு திரைப்படங்களிலும் இவர் நடித்து வந்தார் அதிலும் விஜய்யுடன் குஷி திரைப்படத்தில் கட்டிப்புடி கட்டிப்புடி என்ற பாடலுக்கு நடனமாடி இளசுகளை ஒரு வழி செய்துவிடுவார். இந்தப்பாடல் இவருக்கு மிகப்பெரிய பிரபலத்தை ஏற்படுத்திக் கொடுத்தது. இதனிடையே, நடிகை மும்தாஜ் விஜய் டிவியில் ஒளிபரப்பான பிக்பாஸ் நிகழ்ச்சியிலும் கலந்துக்கொண்டார்.

இந்நிலையில் 42 வயதாகும் மும்தாஜ் இன்னும் திருமணமே செய்துக்கொள்ளாமல் முரட்டு சிங்கிளாக இருந்து வருகிறார். சமீபத்திய பேட்டி ஒன்றில் இது குறித்து கேட்டதற்கு, “எனக்கு திருமணம் நடக்காமல் இருப்பதற்கு முக்கிய காரணம். எனக்கு திருமணம் செய்துக்கொள்ளும் யோசனையே இல்லாமல் இருப்பது தான். எத்தனையோ ப்ரபோசல்கள் வந்துள்ளது. ஆனாலும் எனக்கு திருமணம் குறித்த எண்ணமே வரவில்லை. அதனால் தான் இப்படியே இருக்கிறேன் என அவர் கூறினார்.

மேலும், தான் ஒரு இஸ்லாமிய குடும்பத்தில் பிறந்ததாகவும், தனக்கு குர்ஆன் பற்றி நன்றாக தெரியும். தனக்கு சில விஷயங்களை அல்லாஹ் செய்ய வேண்டும் செய்யக்கூடாது என்று கட்டளை இட்டுள்ளார். ஆரம்பத்தில், அதில் சொல்லப்பட்ட விஷயத்தின் அர்த்தம் தெரியாமலே இருந்ததாகவும், ஒரு கட்டத்தில் அது புரிய ஆரம்பித்தபோது, தனக்குள் ஒரு மாற்றம் தொடங்கிய நிலையில், அதன் காரணமாகவே தான் சினிமாவில் இருந்து விலகியதாக நடிகை மும்தாஜ் தற்போது தெரிவித்துள்ளார்.

Views: - 87

0

0