EN
கை வைத்தியங்கள் மூலமாக வயிற்றுப்போக்கை சமாளிப்பது எப்படி???
Author: Hemalatha Ramkumar5 May 2023, 1:25 pm
வயிற்றுப்போக்கு நமது அன்றாட வாழ்க்கையில் அசௌகரியம் மற்றும் பல பிரச்சினைகளை விளைவிக்கும். இது வீட்டு வேலை மட்டும் அல்லாமல், வெளி வேலைகளை செய்வதிலும் சிக்கலை ஏற்படுத்தும். ஆனால் அதிர்ஷ்டவசமாக, வயிற்றுப்போக்கை எளிதில் சமாளிக்க உதவும் பல வீட்டு வைத்தியங்கள் உள்ளன.
வயிற்றுப்போக்கை நிர்வகிப்பதற்கான மிக முக்கியமான அம்சங்களில் ஒன்று நீரேற்றமாக இருப்பது. வயிற்றுப்போக்கு நீரிழப்புக்கு வழிவகுக்கும். மேலும் இழந்த திரவங்களை நிரப்புவது முக்கியம். நீரேற்றமாக இருக்கவும், உடலில் எலக்ட்ரோலைட் சமநிலையை மீட்டெடுக்கவும் நிறைய தண்ணீர், மூலிகை தேநீர் மற்றும் சூப் போன்றவற்றைக் குடிக்கவும்.
புரோபயாடிக்குகள் நன்மை பயக்கும் பாக்டீரியாக்கள் ஆகும். அவை குடல் பாக்டீரியாவின் இயற்கையான சமநிலையை மீட்டெடுக்கவும் மற்றும் செரிமானத்தை மேம்படுத்தவும் உதவும். தயிர், மோர் மற்றும் கேஃபிர் ஆகியவை புரோபயாடிக்குகளின் சிறந்த ஆதாரங்களாகும். அவை லூஸ் மோஷனை போக்க உதவும்.
வயிற்றுப்போக்கை சமாளிக்க BRAT டயட் பின்பற்றுவது பலன் அளிக்கும். BRAT டயட் என்பது வாழைப்பழங்கள், அரிசி, ஆப்பிள்சாஸ் மற்றும் டோஸ்ட் ஆகியவற்றைக் குறிக்கிறது. இந்த உணவுகள் ஜீரணிக்க எளிதானது மற்றும் மலத்தை உறுதியாக்க உதவும். மேலும் இந்த நேரத்தில் காரமான, எண்ணெய் மற்றும் அதிக நார்ச்சத்துள்ள உணவுகளைத் தவிர்க்கவும்.
இஞ்சியில் உள்ள அழற்சி எதிர்ப்பு பண்புகள் செரிமான அமைப்பை ஆற்ற உதவும். இஞ்சித் துண்டுகளை தண்ணீரில் கொதிக்கவைத்து, சுவைக்காக ஒரு டீஸ்பூன் தேன் சேர்த்து இஞ்சி டீயாக தயாரித்து பருகவும். நாள் முழுவதும் இஞ்சி டீயை பருகினால் வயிற்றுபோக்கை சமாளிக்கலாம்.
பிளாக் டீயில் டானின்கள் உள்ளன. அவை அஸ்ட்ரிஜென்ட் பண்புகளைக் கொண்டுள்ளன மற்றும் குடலில் ஏற்படும் வீக்கத்தைக் குறைக்க உதவும்.
எலுமிச்சை பாக்டீரியா எதிர்ப்பு பண்புகளைக் கொண்டுள்ளது மற்றும் செரிமான அமைப்பில் உள்ள நச்சுக்களை அகற்ற உதவுகிறது. ஒரு கிளாஸ் வெதுவெதுப்பான நீரில் அரை எலுமிச்சையை பிழிந்து, அதில் ஒரு சிட்டிகை உப்பு மற்றும் தேன் சேர்த்து பருகவும். காலையில் வெறும் வயிற்றில் எலுமிச்சை நீரைக் குடியுங்கள். இது செரிமானத்திற்கு உதவுகிறது மற்றும் வயிற்றுப்போக்கை தடுக்கிறது.
சீரக விதைகளில் கார்மினேடிவ் பண்புகள் உள்ளன மற்றும் செரிமான அசௌகரியத்தைப் போக்க உதவும். ஒரு டீஸ்பூன் சீரகத்தை ஒரு கிளாஸ் தண்ணீரில் கொதிக்க வைத்து ஆறவிடவும். வயிற்றுப்போக்கை நிறுத்த சீரக நீரை ஒரு நாளைக்கு இரண்டு முதல் மூன்று முறை குடிக்கவும்.
கவனத்திற்கு: எங்கள் இணையபக்கத்தில் பதிவிடப்படும் மருத்துவ குறிப்புகள், அழகு குறிப்புகள் மற்றும் உடல்நலம் சார்ந்த விஷயங்களை மருத்துவரின் ஆலோசனைக்கு பிறகே செய்து பார்க்க வேண்டும் என அறிவுறுத்துகிறோம்.
