மீண்டும் அதிகரிக்கும் தங்கம் விலை: ஒரே நாளில் சவரனுக்கு ரூ.400 உயர்வு..!!

Author: Aarthi Sivakumar
13 March 2021, 12:29 pm
Gold Rate - Updatenews360
Quick Share

சென்னை: ஆபரணத் தங்கத்தின் விலை மீண்டும் அதிகரித்து வருவது தங்கம் வாங்குவோரை அதிர்ச்சியடையச் செய்துள்ளது.

தொழில்துறை தேக்கத்தைத் தொடர்ந்து உலகம் முழுவதுமே முதலீட்டாளர்கள் பாதுகாப்பான முதலீடுகளின் பக்கம் திரும்பினர். பங்குச்சந்தை, ரியல் எஸ்டேட், அமெரிக்க டாலர்கள் என மற்ற பலவற்றில் இருந்த முதலீடுகளையும் மாற்றித் தங்கத்தில் முதலீடு செய்யத் தொடங்கினர். இதனால் தங்கத்தின் தேவை அதிகரித்து, அதன் விலை கணிசமாக உயர்ந்து வந்தது.

கொரோனா வைரஸ் பாதிப்பால் தொழில்துறை தேக்கம் குறித்த பீதி நிலவி வரும் நிலையில், தங்கம் விலையில் ஏற்ற இறக்கங்கள் நிலவி வந்தன. இதற்கிடையே 2021-22ம் ஆண்டுக்கான பட்ஜெட்டில் தங்கம், வெள்ளிப் பொருட்களின் மீதான வரி குறைக்கப்பட்டது. இதனால் கடந்த சில வாரங்களாகத் தங்கம் விலை தொடர்ந்து குறைந்து வந்தது.

இந்த நிலையில் இன்றும் தங்கத்தின் விலை உயர்ந்துள்ளது. ஆபரணத் தங்கத்தின் விலை கிராமுக்கு ரூ.50 உயர்ந்து ரூ.4230க்கு விற்பனையாகிறது. சவரனுக்கு ரூ.400 உயர்ந்து ரூ.33,840க்கு விற்பனையாகிறது. இதேபோல் 24 காரட் சுத்தத் தங்கத்தின் விலை 8 கிராம் ரூ.36,968க்கு விற்பனையாகிறது.

வெள்ளியின் விலை 1 கிராம் வெள்ளி 70 காசுகள் உயர்ந்து ரூ.71.40க்கு விற்பனையாகிறது. அதேபோல 1 கிலோ வெள்ளியின் விலை இன்று ரூ.7,1400 ஆக உள்ளது.

Views: - 107

0

0