வாகன ஓட்டிகளுக்கு ஹேப்பி நியூஸ்: இன்றைய பெட்ரோல், டீசல் விலை நிலவரம்!!

Author: Aarthi
11 September 2021, 8:18 am
Quick Share

சென்னை: சென்னையில் இன்று ஒரு லிட்டர் பெட்ரோல் ரூ.98.96க்கு விற்பனை செய்யப்பட்டு வருகிறது.

பெட்ரோல், டீசல் விலையை தினம் தோறும் நிர்ணயிக்கும் நடைமுறையை எண்ணெய் நிறுவனங்கள் கடைபிடித்து வருகின்றன. அதன்படி, பெட்ரோல், டீசல் விலை தினசரி நிர்ணயிக்கப்பட்டு வருகிறது.

பல்வேறு மாநிலங்களில் பெட்ரோல் விலை நூறு ரூபாயை கடந்து விற்பனை செய்யப்பட்டு வருகிறது. தொடர்ந்து உயரும் பெட்ரோல், டீசல் விலையால் வாகன ஓட்டிகள் கலக்கமடைந்துள்ளனர். இதற்கிடையில், தமிழக அரசின் பட்ஜெட் அறிவிப்பையடுத்து பெட்ரொல் விலை லிட்டருக்கு 3 ரூபாய் குறைப்பு அமல்படுத்தப்பட்டது.

அதன்படி சென்னையில் நேற்று பெட்ரோல் லிட்டர் 98.96 ரூபாய்க்கும், டீசல் லிட்டர் 93.26 ரூபாய்க்கும் விற்பனை செய்யப்பட்டது. இந்நிலையில் இன்று பெட்ரோல் மற்றும் டீசல் விலை மாற்றமின்றி அதே விலையில் விற்பனை செய்யப்பட்டு வருகிறது.

அந்த வகையில் இன்று சென்னையில் ஒரு லிட்டர் பெட்ரோல் ரூ.98.96க்கும், ஒரு லிட்டர் டீசல் ரூ.93.26க்கும் விற்பனை செய்யப்படுகிறது.

Views: - 511

0

0