புதுச்சேரியில் கூடுதல் தளர்வுகளுடன் ஊரடங்கு ஆக.31 நள்ளிரவு வரை நீட்டிப்பு

Author: Udhayakumar Raman
15 August 2021, 10:03 pm
Quick Share

புதுச்சேரி: புதுச்சேரி ஊரடங்கை கூடுதல் தளர்வுகளுடன் ஆகஸ்ட் 31-ம் தேதி நள்ளிரவு வரை நீட்டித்து அரசு உத்தரவிட்டுள்ளது. இந்த அறிவிப்பில் வழிபாட்டுத்தலங்களில் திருமணம் செய்ய 25 பேர் வரை பங்கேற்க அனுமதி வழங்கப்பட்டுள்ளது.

புதுச்சேரி அரசு இன்று வெளியிட்ட அறிவிப்பில் கூறிருப்பதாவது:- புதுச்சேரியில் கொரோனா தொற்று பரவல் காரணமாக ஆகஸ்ட் 31-ஆம் தேதி நள்ளிரவு வரை ஊரடங்கு நீட்டிக்கப்பட்டுள்ளது. இதன்படி, தினமும் இரவு 10.30 மணி முதல் காலை 5 மணி வரை இரவு நேர ஊரடங்கு அமலில் இருக்கும்.அரசியல், சமூக நிகழ்வுகள், பொழுதுபோக்கு தொடர்பான நிகழ்வுகளுக்கு தொடர்ந்து தடை விதிக்கப்பட்டுள்ளது. அனைத்து வித கடைகள், வணிக நிறுவனங்கள் காலை 9 மணி முதல் இரவு 9 மணி வரை குளிர்சாதன வசதியின்றி இயங்க அனுமதி அளிக்கப்படும்.

அனைத்து வித உணவகங்கள், தங்கும் விடுதிகள், மதுக்கூடங்களுடன் கூடிய விடுதிகளில் இரவு 10 மணி வரை, 50 சதவீதம் பேர் அமர்ந்து சாப்பிட அனுமதி அளிக்கப்பட்டு உள்ளது.மேலும் அரசு மற்றும் தனியார் பொது போக்குவரத்து (பேருந்து, டாக்ஸி, ஆட்டோ) இரவு 9 மணி வரை இயங்கலாம். வழிபாட்டுத்தலங்களில் 25 பேர்களுடன் திருமணம் செய்யலாம்.திருமண நிகழ்ச்சிகளில் அதிகபட்சம் 100 பேரும், இறுதி சடங்குகளில் 20 பேர் மட்டும் கலந்து கொள்ளலாம். அனைத்து வித விளையாட்டுக்களுக்கும், பார்வையாளர்கள் இன்றி அனுமதி அளிக்கப்படும். இவ்வாறு கூறப்பட்டுள்ளது.

Views: - 301

0

0