உங்க குழந்தைக்கு சுரைக்காய் பிடிக்காதா… இந்த மாதிரி பாயாசம் பண்ணி கொடுத்தா கேட்டு வாங்கி சாப்பிடுவாங்க!!!

வீட்டில் சிறியவர்கள் முதல் பெரியவர்கள் வரை இனிப்பு பிடிக்காதவர்கள் எவரும் இல்லை.அந்த வகையில் நாவிற்கு சுவையான, சுரைக்காய் பாயாசம் செய்யும் முறையை பார்ப்போம்.

தேவையான பொருட்கள்:
சுரைக்காய் -1(சிறியது)
நெய் -1டேபிள் ஸ்பூன்
பால்-1/2 லிட்டர்
சர்க்கரை -தேவையான அளவு
முந்திரி, திராட்சை -தேவையான அளவு
ஏலக்காய்த்தூள்-1/2 டேபிள்ஸ்பூன்

செய்முறை:
*சுரைக்காயை தோலுரித்து நைசாக துருவிக்‌ கொள்ள வேண்டும்.

*பால் காய்ச்சி எடுத்து வைத்துக்கொள்ளவும்.

*பின்பு அடுப்பில் ஒரு பாத்திரம் வைத்து அதில் நெய் ஊற்றி முந்திரி, திராட்சை சேர்த்து வறுத்து எடுத்து வைத்துக்கொள்ளவும்.

*பின்பு அதே நெய்யில் துருவிய சுரைக்காயை நன்கு வதக்கவும். வதக்கிய பின் காய்ச்சிய பாலை ஊற்றிக் கொதிக்க விடவும். சர்க்கரை, ஏலக்காய்த்தூள் சேர்த்து நன்கு கொதிக்க விடவும்.

*பின்பு வறுத்த முந்திரி, திராட்சை சேர்த்து பரிமாறவும்.

Views: - 890

2

0