தமிழன் என்று சொல்.. பொறிபறக்க டயலாக் பேசிய கேப்டனின் கடைசி பட ஷூட்டிங் வீடியோ..!

நேற்று உடல்நலக்குறைவால் மியாட் மருத்துவமனையில் சிகிச்சை பலனின்றி காலமான நடிகரும் தேமுதிக தலைவருமான விஜயகாந்தின் உடலுக்கு திரைபிரபலங்கள், அரசியல் பிரமுகர்கள் , லட்சக்கணக்கான ரசிகர்கள், கோடிக்கணக்கான மக்கள் என பல ஆயிரம் பேர் சாலையெங்கும் தேங்கி நின்று அவருக்கு கண்ணீர் அஞ்சலி செலுத்தி வருகின்றனர்.

சற்றுமுன் மறைந்த தேமுதிக தலைவர் விஜயகாந்தின் இறுதி ஊர்வலம் துவங்கியது. சென்னை தீவுத் திடலில் தொடங்கி பூந்தமல்லி நெடுஞ்சாலை வழியாக கோயம்பேடு தேமுதிக அலுவலகம் நோக்கி இறுதி பயணம் துவங்கியது. விஜயகாந்த் உடலுக்கு 72 குண்டுகள் முழங்க அரசு மரியாதை செலுத்த உள்ளனர்.

இந்நிலையில் விஜயகாந்த் மீளா துயில் கொள்ள பிரத்யேகமாக 50 கிலோ எடைகொண்ட சந்தன பேழை தயார் செய்யப்பட்டுள்ளது. அதன் ஒரு புறத்தில் ” கேப்டன்” என்றும் மறுபுறத்தில் “புரட்சிக் கலைஞர் கேப்டன் விஜயகாந்த்’ நிறுவன தலைவர் தேசிய முற்போக்கு திராவிட கழகம்” என்ற வாசகம் இடம்பெற்றுள்ளது. அத்துடன் விஜயகாந்தின் பிறப்பு , இறப்பு தேதிகள் இடம்பெற்றுள்ளன.

இந்நிலையில், கேப்டன் மீண்டும் திரும்பி வாருங்கள் கேப்டன் அந்த கம்பீரக் குரலை இனி எப்போது நாங்கள் கேட்போம் என நடிகர் விஜயகாந்தின் ரசிகர்கள் மற்றும் தொண்டர்கள் கண்ணீரில் உள்ளனர். இதனிடையே, பல ஹிட் படங்களை கொடுத்து வெற்றி நாயகனாக வளம் வந்த விஜயகாந்த் அவர்கள் கடைசியாக ஒரு படம் நடித்தார். ஆனால், அப்படம் பாதிலேயே டிராப்பானது. அந்த படத்தின் பெயர் தமிழன் என்று சொல் என்பதுதான் டிராப்பான அந்த படத்தின் படபிடிப்பு தள வீடியோ ஒன்று தற்போது வெளியாகி வைரலாகி வருகிறது.

கேப்டன் விஜயகாந்த் அவர்கள் கடைசியாக நடித்து பாதியில் நிறுத்தப்பட்ட தமிழன் என்று சொல் படப்பிடிப்பு தளம் pic.twitter.com/G5KkXHkZSS

— Rajini (@rajini198080) December 28, 2023

Views: - 277

0

0