“எனக்கு அவர மாதிரி மாப்பிள்ளை பாருங்க”.. அம்மாவிடம் மனம் திறந்து பேசிய நடிகை மீனா..!

90களில் பிரபல நடிகையாக வலம் வந்தவர் தான் மீனா. இவர் தென்னிந்திய சினிமாவில் தனக்கென தனி ராஜ்ஜியத்தை தனது கண்களால் உருவாக்கியவர்.

தமிழ் படங்களைத் தாண்டி ஹிந்தி, தெலுங்கு, மலையாளம், கன்னடம் என அனைத்து மொழிகளிலும் முன்னணி நடிகையாக திகழ்ந்த இவர், தமிழில் அத்தனை முன்னணி நடிகர்களுடன் ஜோடி போட்டு டாப் நடிகையாக வலம் வந்தார்.

இதனிடையே, கடந்த 2009ஆம் ஆண்டு வித்யாசாகர் என்பவரை திருமணம் செய்த நடிகை மீனாவுக்கு அழகிய பெண் குழந்தை பிறந்தது, மீனா போல சாயல் கொண்ட குழந்தை நைனிகா, தெறி, பாஸ்கர் ஒரு ராஸ்கல் போன்ற படங்களல் குழந்தை நட்சத்திரமா நடித்தார்.

இந்த நிலையில் கடந்த வருடம் மீனாவின் கணவர் உடல்நலக்குறைவால் உயிரிழந்தார். இதையடுத்து தனிமையில் மீனா தனது வாழ்க்கையை வாழ்ந்து வருகிறார்.

இதனிடையே, சமீபத்தில் பேட்டி ஒன்றில் பங்கேற்ற மீனா தனது வாழ்க்கையில் நடந்த சுவாரசிய சம்பவங்களை பகிர்ந்துள்ளார்.

அதில் நடிகை மீனா, “தனக்கு ஹ்ரித்திக் ரோஷனை ரொம்ப பிடிக்கும் என்றும், தன்னுடைய திருமணத்திற்கு முன்பு தன் அம்மாவிடம், தனக்கு ஹ்ரித்திக் ரோஷன் போன்ற மாப்பிள்ளையை பாருங்க என்று தான் கூறியதாகவும், தான் ஹ்ரித்திக் ரோஷனின் மிக பெரிய ரசிகை என்றும், அவரின் நடிப்பு, நடனம் எல்லாமே நன்றாக இருக்கும்” என்று தெரிவித்துள்ளார்.

நடிகை மீனாவின் கணவர் மறைவுக்கு பின் அவர் இரண்டாம் திருமணம் செய்ய போகிறார் என சிலர் வதந்திகளை பரப்பி வரும் நிலையில், அதில் உன்மை இல்லை என மீனா தரப்பு முன்பே விளக்கம் அளித்து இருந்தது குறிப்பிடத்தக்கது.

Views: - 2755

83

30