விஜயகாந்த் சமாதியில் சத்திய சபதம் எடுத்த புகழ்… பார்த்து திருந்துங்கோ – சக நடிகர்களை விளாசும் நெட்டிசன்ஸ்!

விஜய் டிவியில் ஒளிபரப்பான குக் வித் கோமாளி நிகழ்சியில் பங்கேற்று மிகப்பெரிய அளவில் பிரபலமானவர் புகழ். இவர் தொடர்ந்து விஜய் தொலைக்காட்சியில் ஒளிபரப்பான பல்வேறு நிகழ்ச்சிகளில் பங்கேற்று தனது காமெடியால் அனைவரையும் சிரிக்க வைத்தார்.

குறிப்பாக குக் வித் கமலி நிகழ்ச்சியில் ஷிவாங்கி, ரம்யா பாண்டியன், மணிமேகலை, பவித்ரா உடன் செய்த அட்ராசிட்டிகள் ஏராளம். இவரது வெகுளித்தனமான நடவடிக்கைகள் மக்கள் எல்லோருக்கும் பிடித்துப்போக திரைப்படங்களில் நடிக்கும் வாய்ப்புகள் தேடி வந்தது. ‘வலிமை’, ‘எதற்கும் துணிந்தவன்’ உள்ளிட்ட பல படங்களிலும் நடித்துள்ளார்.

இதனிடையே தனது நீண்ட நாள் காதலி பென்ஸி என்பவரை திருமணம் செய்துக்கொண்டார். அண்மையில், கோலாகலமாக புகழின் மனைவிக்கு சீமந்தமும் நடந்தது. அண்மையில் புகழுக்கு அழகிய பெண் குழந்தை பிறந்துள்ளதை மகிழ்ச்சியாக அறிவித்தார். இந்நிலையில் விஜயகாந்த் உடலுக்கு நேரில் சென்று அஞ்சலி செலுத்தியது மட்டும் அல்லாமல் இன்று மீண்டும் இரண்டாம் முறையாக விஜயகாந்த் சமாதியில் அவர் அஞ்சலி செலுத்தினார்.

அதுமட்டும் அல்லாமல் விஜயகாந்த் போலவே நானும் என்னுடன் கே கே நகர் அலுவலகத்தில் தினமும் மதியம் பசி என வருபவர்களுக்கு உணவளிக்க போகிறேன். கேப்டன் ஆசீர்வாதத்துடன் இன்று இதனை தொடங்குகிறேன் என சத்திய சபதம் ஏற்று உணவளித்தார் புகழ். இந்த வீடியோவை இன்ஸ்டாகிராமில் வெளியிட்டு ” நீ வீணாக்கும் உணவு மற்றொருவரின் பசி என்பதை மறந்து விடாதே” என கேப்ஷன் கொடுத்து அனைவரது பாராட்டுகளையும் பெற்றுள்ளார்.

View this post on Instagram

A post shared by Vijay Tv Pugazh (@vijaytvpugazh)

Views: - 262

0

0