மீந்து போன இட்லி மாவில் சுவையான மொறு மொறு பொங்கனம்!!!

மாவு மீந்து போய்விட்டால் அதனை மனசே இல்லாமல் தூக்கி எறியும் பெண்களுக்கு இது ஒரு அசத்தலான ரெசிபி. மீந்து போன மாவை வைத்து பொங்கனம் எப்படி செய்வது என பார்க்கலாம்.

தேவையான பொருட்கள்:
மீந்து போன இட்லி மாவு- 1 கப்
மைதா மாவு- 4 தேக்கரண்டி
ரவை- 2 தேக்கரண்டி
கடுகு- ஒரு தேக்கரண்டி
உளுத்தம்பருப்பு- ஒரு தேக்கரண்டி
தயிர்- 2 தேக்கரண்டி
கடலைப்பருப்பு- 1 தேக்கரண்டி
வர மிளகாய்- 2
கறிவேப்பிலை- 1 கொத்து
உப்பு- தேவையான அளவு
எண்ணெய்- 4 தேக்கரண்டி

செய்முறை:
*ஒரு பாத்திரத்தில் மைதா மாவு, ரவை மற்றும் தயிர் ஆகிய மூன்றையும் ஒன்றாக கலந்து கொள்ளவும்.

*இதில் சிறிதளவு தண்ணீர் மற்றும் உப்பு சேர்த்து கலந்து வையுங்கள்.

*இதனோடு மீதமுள்ள இட்லி மாவை கலந்து கொள்ளவும்.

*ஒரு கடாயை அடுப்பில் வைத்து எண்ணெய் ஊற்றவும்.

*எண்ணெய் காய்ந்ததும் அதில் கடுகு, உளுத்தம்பருப்பு, கறிவேப்பிலை சேர்த்து தாளிக்கவும்.

*கடுகு பொரிந்தவுடன் கடலைப்பருப்பு சேர்த்து வறுக்கவும்.

*இதனை கலந்து வைத்துள்ள மாவில் சேர்த்து கலந்து விடவும்.

*இப்போது ஒரு தோசைக்கல்லை அடுப்பில் வைத்து ஒரு கரண்டி மாவு ஊற்றவும்.

*நடுவில் குண்டாகவும், ஓரங்களில் மெலிசாகவும் சுடவும். சுற்றி எண்ணெய் ஊற்றவும்.

*ஒருபுறம் வெந்ததும் அதனை திருப்பி போட்டு, எடுத்தால் சுவையான பொங்கனம் தயார்.

Views: - 847

0

0