தக்காளி, வெங்காயம் மட்டும் போதும், பத்தே நிமிடத்தில் தயாராகும் தக்காளி தொக்கு!!!

இட்லி, தோசை, சப்பாத்தி, பூரி, இடியாப்பம் என எல்லா வகையான டிபன் வகைகளுக்கும் ஏற்றபடி பத்தே நிமிடத்தில் தயாராகும் தக்காளி தொக்கு எப்படி செய்வது என பார்க்கலாம். இதனை குறைவான பொருட்களுடன், குறைந்த நேரத்தில் செய்து விடலாம்.

தேவையான பொருட்கள்:
வெங்காயம்- 2
தக்காளி- 3
பச்சை மிளகாய்- 4
மிளகாய் தூள்- 1 தேக்கரண்டி
நறுக்கிய பூண்டு- ஒரு தேக்கரண்டி
நறுக்கிய இஞ்சி- 1 தேக்கரண்டி
கடுகு- 1/2 தேக்கரண்டி
உளுத்தம்பருப்பு- 1 தேக்கரண்டி
சோம்பு- 1/4 தேக்கரண்டி
சீரகம்- 1/4 தேக்கரண்டி
கறிவேப்பிலை- ஒரு கொத்து
உப்பு- தேவையான அளவு
எண்ணெய்- 2 தேக்கரண்டி

செய்முறை:
*வாணலியில் எண்ணெய் ஊற்றி கடுகு, உளுத்தம்பருப்பு, சோம்பு, சீரகம், கறிவேப்பிலை சேர்த்து தாளிக்கவும்.

*கடுகு பொரிந்தவுடன் நறுக்கிய வெங்காயம் சேர்த்து வதக்கவும்.

*வெங்காயம் வதங்கியதும் பச்சை மிளகாய் மற்றும் தக்காளி சேர்த்து வதக்கவும்.

*தக்காளி நன்கு மசிந்தவுடன் மிளகாய் தூள் சேர்த்து இரண்டு நிமிடங்களுக்கு வதக்கவும்.

*மிளகாய் தூளின் பச்சை வாசனை போனவுடன் அதில் தேவையான அளவு உப்பு மற்றும் தண்ணீர் ஊற்றி கொதிக்க விடவும்.

*தொக்கு பதத்திற்கு வந்தவுடன் கொத்தமல்லி தழை தூவி இறக்கவும்.

Views: - 758

0

0