விரைவான மற்றும் ஆரோக்கியமான காலை உணவு: தக்காளி உப்புமா!!!

1 October 2020, 8:24 pm
Quick Share

நீங்கள் வீட்டிலிருந்து வேலை செய்தாலும், சில நேரங்களில் காலை உணவைத்  தவிர்க்க வேண்டிய சூழ்நிலை உருவாகும். ஒரு விரைவான மற்றும் ஆரோக்கியமான காலை உணவு உங்களை எந்த நேரத்திலும் உற்சாகமடையச் செய்யும்.  மேலும் உங்களை அதிக நேரம் வயிறு முழுவதுமாக இருப்பது போல வைத்திருக்கும். அது போன்ற ஒரு செய்முறை தான் இன்று நாம் பார்க்க இருப்பது. 

தேவையான பொருட்கள்:

1 கப் – ரவை 

2 – தக்காளி

1 – வெங்காயம்

1 – பச்சை மிளகாய் 

1 தேக்கரண்டி – கடுகு விதைகள்

1 – உலர்ந்த சிவப்பு மிளகாய்

6-7 – கறிவேப்பிலை

1/4 தேக்கரண்டி – பெருங்காய தூள் 

உப்பு, தேவைக்கேற்ப

சூடான நீர், தேவைக்கேற்ப

1/4 தேக்கரண்டி – சிவப்பு மிளகாய் தூள்

1/4 தேக்கரண்டி – மஞ்சள் தூள்

1/4 தேக்கரண்டி – எலுமிச்சை சாறு

சிறிதளவு – கொத்தமல்லி இலைகள்

செய்முறை:

* ஒரு வாணலியை நடுத்தர தீயில் வைத்து ஒரு கப் ரவை சேர்த்து சிறிது நிறம் மாறும் வரை வறுக்கவும். பிறகு இதனை தனியாக வைக்கவும்.

* ஒரு கனமான பாத்திரத்தில் எண்ணெய் / நெய்யை சூடாக்கவும். கடுகு, பெருங்காயப்பொடி, சிவப்பு உலர்ந்த மிளகாய் மற்றும் கறிவேப்பிலை சேர்க்கவும். 

* அடுத்து, வெங்காயம் மற்றும் பச்சை மிளகாய் சேர்த்து வெங்காயம் பொன்னிறமாக மாறும் வரை சமைக்கவும்.

* இப்போது, ​​தக்காளியைச் சேர்த்து, அவை மென்மையாக மாறும் வரை சமைக்கவும்.

* சிவப்பு மிளகாய், மஞ்சள், உப்பு மற்றும் எலுமிச்சை சாறு உள்ளிட்ட மசாலா பொடிகளை சேர்த்து சுமார் மூன்று முதல் ஐந்து நிமிடங்கள் சமைக்கவும்.

* ரவை மற்றும் தண்ணீர் சேர்க்கவும். கட்டிகளைத் தவிர்க்க தொடர்ந்து கிளறவும்.

* சுமார் ஐந்து முதல் எட்டு நிமிடங்கள் சமைக்கவும். அது சரியாக சமைத்ததும், சுடரை அணைத்து கொத்தமல்லி இலைகளால் அலங்கரிக்கவும். தேங்காய் சட்னி மற்றும் மசாலா சாயுடன் தக்காளி உப்புமாவை பரிமாறவும்.

Views: - 33

0

0