ஹோட்டல் கடை போல பெர்ஃபெக்ட்டான தோசைக்கு சில டிப்ஸ்!!!

சந்தேகத்திற்கு இடமின்றி, பலரின் ஃபேவரெட் தோசை தான். நமது நாடு முழுவதும் பலரால் விரும்பி உண்ணப்படும் உணவுகளில் இதுவும் ஒன்று. தோசை என்பது ஒரு பிரபலமான தென்னிந்திய உணவாகும். இது புளித்த அரிசி மற்றும் உளுந்து மாவு கொண்டு தயாரிக்கப்படுகிறது. இது ஒரு சுவையான காலை உணவு அல்லது சிற்றுண்டிக்கு மாற்றாக மட்டுமல்லாமல், இது ஒரு சத்தான ஒன்றாகும். ஏனெனில் இதில் சேர்க்கப்படும் உளுத்தம் பருப்பில் அதிக புரதம் உள்ளது.

அனைவருக்கும் விருப்பமான இந்த தோசை என்ன தான் நாம் முயற்சி செய்தாலும் கடைகளில் விற்கப்படும் தோசை போல வராது.

கடைகளில் விற்கப்படும் மிருதுவான மற்றும் ஒட்டாத தோசைக்கான பயனுள்ள குறிப்புகள் மற்றும் தந்திரங்கள் உங்களுக்காகவே:

◆மாவை சரியான பதத்தில் அரைக்கவும்:
தோசை மாவு மிகவும் நன்றாக அரைக்கப்படாமல், கரடுமுரடானதாக இருப்பதை உறுதி செய்ய வேண்டும். துருப்பிடிக்காத எஃகு பாத்திரத்தில் மாவு சற்று வேகமாக புளித்து விடும். எனவே சீல் செய்யப்பட்ட பிளாஸ்டிக் அல்லது பீங்கான் பாத்திரத்தில் தோசை மாவை ஊற்றி வைக்கவும்.

◆சரியான நுட்பம்:
நான்ஸ்டிக் பான் அல்லது தோசைக்கல் மீது மாவை ஊற்றும் முன், பான் சூடாக இருப்பதை உறுதிப்படுத்திக் கொள்ளுங்கள். பான் போதுமான அளவு சூடாக இருக்கிறதா என்பதை அறிய அதன் மீது சிறிது தண்ணீர் தெளிக்கலாம். தோசை தயாரிப்பதற்கு முன் குறைந்தது 15 நிமிடங்களுக்கு குளிர்சாதன பெட்டியில் இருந்து மாவை வெளியே எடுத்து வைக்கவும்.

◆கிரீஸ் முறை:
வெங்காயத்தை எண்ணெயில் தோய்த்து தோசைக்கல்லை தேய்க்கவும். இதனால் தோசை ஒட்டாமல் கிடைக்கும். மேலும் தோசை சுவையாகவும் மிருதுவாகவும் மாறும்.

Views: - 376

0

0