ஜெய்ஷ் இ முகமது தீவிரவாதிகள் இருவர் கைது..! மிகப்பெரும் சதித்திட்டத்தை முறியடித்தது டெல்லி போலீஸ்..!

ஜெய்ஷ் இ முகமது பயங்கரவாதிகள் என சந்தேகிக்கப்படும் இருவரை டெல்லி காவல்துறையினர் நேற்று நேற்று இரவு கைது செய்துள்ளனர். டெல்லியில் ஒரு பெரிய பயங்கரவாத தாக்குதலைத் தடுக்கும் வகையில் டெல்லி போலீஸ் சிறப்புப் பிரிவு இந்த நடவடிக்கையை மேற்கொண்டுள்ளது.

டெல்லியில் உள்ள சராய் காலே கானில் இருந்து இரண்டு பயங்கரவாதிகள் கைது செய்யப்பட்டு விசாரிக்கப்பட்டு வருவதாக அதிகாரிகள் தெரிவித்துள்ளனர்.

தீவிரவாதிகள் குறித்து கிடைத்த ஒரு ரகசிய தகவலை அடுத்து, நேற்று இரவு 10.15 மணியளவில் சராய் காலே கானில் மில்லினியம் பூங்கா அருகே இவர்கள் கைது செய்யப்பட்டதாக டெல்லி போலீஸ் அதிகாரிகள் தெரிவித்தனர். 

“ஜம்மு காஷ்மீரில் வசிக்கும் 2 சந்தேகத்திற்குரிய தீவிரவாதிகள் 2 செமி ஆட்டோமேட்டிக் கைத்துப்பாக்கிகள் மற்றும் 10 தோட்டாக்களுடன் கைது செய்யப்பட்டுள்ளனர்” என்று போலீஸ் அதிகாரிகள் தெரிவித்தனர்.

ஜெய்ஷ் இ முகமது பயங்கரவாதிகள் என சந்தேகிக்கப்படும் இருவர் ஜம்மு காஷ்மீரில் வசிக்கும் சனாவுல்லா மீரின் மகன் அப்துல் லத்தீப் மிர், மற்றும் பஷீர் அகமதுவின் மகன் அஷ்ரப் கட்டானா என அடையாளம் காணப்பட்டுள்ளனர்.

ஆதாரங்களின்படி, பயங்கரவாதிகள் என சந்தேகிக்கப்படும் இருவருமே இதற்கு முன்னர் இந்திய இராணுவத்தால் தோல்வியடையச் செய்யப்பட்ட பாகிஸ்தான் ஆக்கிரமிப்பு காஷ்மீருக்குள் செல்ல முயன்றவர்கள் எனத் தெரிய வந்துள்ளது. அந்த முயற்சி தோல்வியடைந்ததால் டெல்லியில் தாக்குதலுக்குப் பிறகு நேபாளம் வழியாக பாகிஸ்தான் ஆக்கிரமிப்பு காஷ்மீருக்கு தப்பிக்க அவர்கள் திட்டமிட்டிருந்தனர்.

முன்னதாக, கடந்த ஆகஸ்ட் மாதத்தில், டெல்லி காவல்துறை ஒரு ஐஎஸ்ஐஎஸ் பயங்கரவாதியை கைது செய்வதன் மூலம் இதுபோன்ற மற்றொரு பயங்கரவாத தாக்குதலை முறியடித்தது. கைது செய்யப்பட்டதைத் தவிர, தவுலா குவான் பகுதியில் கைது செய்யப்பட்ட பயங்கரவாத செயற்பாட்டாளரிடமிருந்து 15 கிலோ மேம்படுத்தப்பட்ட வெடிக்கும் சாதனங்களையும் போலீசார் மீட்டது குறிப்பிடத்தக்கது.

Updatenews Sekar

See author's posts