விவசாய மசோதாக்களை எதிர்த்து காங்கிரஸ் அறைகூவல்..! நாடு தழுவிய அளவில் வெடிக்குமா போராட்டம்..?

21 September 2020, 7:39 pm
congress_ak_antony_updatenews360
Quick Share

பாராளுமன்றத்தில் விவசாய மசோதாக்களை நிறைவேற்றியதற்காக அரசாங்கத்திற்கு எதிராக செப்டம்பர் 24 முதல் நாடு தழுவிய போராட்டத்தை நடத்த காங்கிரஸ் இன்று முடிவு செய்துள்ளது.

விவசாயிகளுக்கு அதிகாரம் அளிக்கும் வகையில் மத்திய அரசு பாராளுமன்றத்தில் நிறைவேற்றியுள்ள இரண்டு விவசாய சீர்திருத்த மசோதாக்கள் தேர்வுக்குழுவுக்கு அனுப்பப்பட வேண்டும் என்று கோரி மாநிலநக்கலவையில் பெரும்பான்மையைக் கொண்ட எதிர்க்கட்சியினர் சபையை முடக்கினர். மாநிலங்களவை துணைத் தலைவர் ஹரிவன்ஷைப் பாதுகாப்பதற்காக இருந்த ஒரு இரட்டை அடுக்கு தடுப்பை தாண்டி அடாவடியில் ஈடுபட்டனர்.

உழவர் எதிர்ப்பு, ஏழை எதிர்ப்பு மற்றும் மக்கள் விரோத சட்டங்களை அரசாங்கம் ரத்து செய்யும் வரை இந்த போராட்டம் தொடரும் என்று காங்கிரஸ் மூத்த தலைவர் ஏ.கே. அந்தோணி கூறினார். டெல்லியில் உள்ள கட்சியின் தலைமையகத்தில் பொதுச் செயலாளர்கள் மற்றும் மாநிலங்களின் பொறுப்பாளர்கள் கூட்டத்தின் பின்னர் செய்தியாளர்களிடம் உரையாற்றினார்.

“செப்டம்பர் 24 முதல், கறுப்புச் சட்டங்களை ரத்து செய்யுமாறு அரசாங்கத்தை கேட்டு அகில இந்திய போராட்டத்தை காங்கிரஸ் தொடங்கும்” என்று அந்தோணி கூறினார்.

மூத்த தலைவர் அகமது படேல் செய்தியாளர்களிடம், “இந்த பிரச்சினையை காங்கிரஸ் நாட்டு மக்களிடம் கொண்டு செல்லும். சோனியா காந்தி மற்றும் ராகுல் காந்தி ஆகியோரின் வழிகாட்டுதலின் கீழ் இந்த கூட்டம் நடைபெற்றது.” என்று அவர் மேலும் கூறினார்.

நிறுவன மற்றும் செயல்பாட்டு விஷயங்களில் அவருக்கு உதவ காங்கிரஸ் தலைவர் சோனியா காந்தி அமைத்த ஆறு பேர் கொண்ட சிறப்புக் குழு அவர் இல்லாத நேரத்தில் கூட்டத்திற்குத் தலைமை தாங்கியது. அவரது மகனும், காங்கிரஸ் நாடாளுமன்ற உறுப்பினருமான ராகுல் காந்தியுடன், சோனியா காந்தி கடந்த வாரம் ஒரு வழக்கமான சுகாதார பரிசோதனைக்காக அமெரிக்கா சென்றுள்ளது குறிப்பிடத்தக்கது.

போராட்டத்தின் விவரங்களை அளித்து, காங்கிரஸ் பொதுச் செயலாளர் கே.சி.வேணுகோபால், விவசாயிகளுக்கு ஆதரவாக கட்சி நாடு தழுவிய திட்டங்களை தொடரும் என்றார்.

நாடு முழுவதும் செய்தியாளர் சந்திப்புகளைத் தவிர, முன்னாள் அமைச்சர்கள், எம்.பி.க்கள் மற்றும் எம்.எல்.ஏக்கள் ஆகியோருடன் மாநில பிரிவுத் தலைவர்கள் மற்றும் சட்டமன்றக் கட்சித் தலைவர்கள் அந்தந்த ராஜ் பவன்களுக்குச் சென்று ஜனாதிபதி ராம்நாத் கோவிந்திற்கு வழங்கப்பட வேண்டிய ஆளுநர்களுக்கு ஒரு குறிப்பை சமர்ப்பிப்பார்கள் என்று வேணுகோபால் தெரிவித்தார்.

இந்நிலையில் தற்போது காங்கிரஸ் ஆட்சி செய்யும் பஞ்சாப் மற்றும் அதையொட்டிய ஹரியானா போன்ற பகுதிகளில் மட்டுமே நடக்கும் போராட்டத்தை நாடு தழுவிய அளவில் கொண்டு செல்வதன் மூலம் இழந்த செல்வாக்கை மீட்டெடுக்க காங்கிரஸ் திட்டமிடுகிறது என அரசியல் நோக்கர்கள் தரப்பில் கூறப்படுகிறது.