இந்து மதத்தை கேலி செய்யும் தாண்டவ் வெப் சீரீஸ்..! வலுக்கும் எதிர்ப்புகள்..! தடை கேட்கும் பாஜக..!

இந்து கடவுள்களை அவமதித்ததாக தாண்டவ் என்ற வெப் சீரீஸை உருவாக்கியவர்கள் மீது பாஜகவினர் போலீசில் புகார் அளித்துள்ளனர். இந்த புகார் மும்பையின் கட்கோபர் காவல் நிலையத்தில் பதிவு செய்யப்பட்டுள்ளது.

இதற்கிடையில், வெப் சீரீஸை தடை செய்யக் கோரி பாஜக எம்.பி. மனோஜ் கோடக் மத்திய தகவல் மற்றும் ஒளிபரப்புத் துறை அமைச்சர் பிரகாஷ் ஜவடேகருக்கு கடிதம் எழுதியுள்ளார். 

“இப்போது ஓடிடி இயங்குதளம் குறிப்பாக இளைஞர்களிடையே மிகவும் பிரபலமாகிவிட்டது என்பதைக் காணமுடிகிறது. இந்த தளம் அனைத்து தணிக்கை அதிகாரங்களிலிருந்தும் விடுபட்டுள்ளது.

சில நேரங்களில் அவை தேவையற்ற சர்ச்சைக்குரிய வீடியோக்களை பதிவேற்றம் செய்கின்றன. ஓடிடி இயங்குதளம் உள்ளிட்ட அனைத்து டிஜிட்டல் தளங்களையும் ஒழுங்குபடுத்த வேண்டிய அவசியம் உள்ளது.” என்று கோடக் தனது கடிதத்தில் குறிப்பிட்டுள்ளார்.

“ஓடிடி மேடையில் ஒளிபரப்பப்படும் நிகழ்ச்சிகள் பாலியல், வன்முறை, போதைப்பொருள், துஷ்பிரயோகம், வெறுப்பு மற்றும் மோசமான செயல்களால் நிரம்பியுள்ளன. சில சமயங்களில் அவை மத உணர்வுகளையும் புண்படுத்துகின்றன.

அண்மையில் வெளியிடப்பட்ட தாண்டவ் வெப் சீரீஸ் நாடு முழுவதும் கடும் சர்ச்சையை ஏற்படுத்தியுள்ளது. தாண்டவின் தயாரிப்பாளர்கள் இந்து கடவுள்களை வேண்டுமென்றே கேலி செய்ததாகவும், இந்து மத உணர்வுகளை அவமதித்ததாகவும் தெரிகிறது.” என்று பாஜக எம்.பி. கோடக் தனது கடிதத்தில் மேலும் தெரிவித்துள்ளார்.

அதோடு ஓடிடி மேடையில் உடனடியாக ஒரு ஒழுங்குமுறை அதிகாரத்தை உருவாக்க தகவல் மற்றும் ஒளிபரப்புத்துத்துறை அமைச்சகத்தை அவர் மேலும் கேட்டுக்கொண்டதோடு, சர்ச்சைக்குரிய தாண்டவ் வெப் சீரீஸை தடை செய்யவும் வலியுறுத்தியுள்ளார்.

Updatenews Sekar

See author's posts

Views: - 0

0

0