முஸ்லிம் அல்லாத பெண்களுக்கு குறி… போதைப்பொருட்கள் மூலம் ஜிகாத் : கிறிஸ்துவ பாதிரியாரின் பகீர் புகார்

Author: Babu Lakshmanan
10 September 2021, 12:01 pm
kerala jihad - updatenews360
Quick Share

போதைப் பொருட்கள் மூலம் கிறிஸ்தவப் பெண்களை இஸ்லாமிய மதத்திற்கு மதமாற்றம் செய்ய முயற்சிகள் நடப்பதாக கத்தோலிக்க பேராயர் ஜோசஃப் கள்ளரங்காட்டு கூறியிருப்பது கேரளாவில் பெரும் பரபரப்பை ஏற்படுத்தியுள்ளது.

கோட்டயம் மாவட்டத்தில் உள்ள மார்த் மரியம் யாத்திரை தேவாலயத்தில் விசுவாசிகளுக்கு மத்தியில் பேராயர் ஜோசஃப் கள்ளரங்காட்டு உரையாற்றினார். அப்போது, லவ் ஜிகாத் மற்றும் போதைப் பொருள் ஜிகாத் ஆகிய இரு வகையான ஜிகாத்கள் இஸ்லாமிய இளைஞர்கள் கையில் எடுக்கின்றனர். முஸ்லீம் அல்லாத இளம் பெண்கள் மற்றும் இளம் ஆண்களை குறிவைத்து, அவர்களை போதைப் பொருட்களுக்கு அடிமையாக்க முயற்சிக்கின்றனர்.

இதற்காக, அதி தீவிர ஜிஹாதிகள் ஓட்டல்கள், ஐஸ்கிரீம் பார்லர்களில், பல்வேறு வைகயான மருந்துகள் விற்பனை செய்யப்படுகிறது. முஸ்லிமல்லாதவர்களைக் கெடுப்பதற்காக அவர்கள் பல்வேறு வகையான மருந்துகளை ஆயுதமாகப் பயன்படுத்துகிறார்கள். மேலும், போதைப் பார்ட்டிகளில் கைப்பற்றப்பட்ட மருந்துகளின் மூலம் இந்த உண்மைகள் வெளியே தெரிய வந்துள்ளது.

கேரளாவில் இளைஞர்கள் முன்னெப்போதும் இல்லாத நெருக்கடியை எதிர்கொண்டுள்ளனர். மிக முக்கியமான பிரச்சினைகள் லவ் ஜிகாத் மற்றும் போதைப்பொருள் ஜிஹாத். ஜிஹாதிகள் லவ் ஜிஹாத் மற்றும் போதைப்பொருள் ஜிஹாத் ஆகியவற்றை ஆயுதங்களாக பயன்படுத்துகின்றனர். ஜிஹாதிகளின் பார்வையில், முஸ்லீம் அல்லாதவர்கள் அழிக்கப்பட வேண்டும், என தெரிவித்தார்.

கிறிஸ்துவ பேராயரின் இந்தப் பேச்சு இஸ்லாமிய அமைப்பினருக்கு இடையே பெரும் கொந்தளிப்பை ஏற்படுத்தியுள்ளது. மேலும், அவர் குற்றச்சாட்டுக்கு பின்னால் உள்ள ஆதாரங்களை வெளிப்படுத்த வேண்டும் என்று சமஸ்தா கேரளா சன்னி மாணவர் கூட்டமைப்பின் மாநில பொதுச் செயலாளர் சதார் பந்தலூர் வலியுறுத்தியுள்ளார்.

Views: - 230

0

0