தனியார் நிறுவனத்திற்கு எதிராக போராட்டம் நடத்தாமல் இருக்க பேரம்..! சிக்கிய காங்கிரஸ் தலைவர்..! வைரல் வீடியோ..!

23 August 2020, 7:05 pm
Manoj_Dixit_Agra_Congress_UpdateNews360
Quick Share

சமூக ஊடகங்களில் பரவலாக பகிரப்பட்ட மிரட்டி பணம் பறித்தல் தொடர்பான இரண்டு வீடியோக்களைத் தொடர்ந்து, காங்கிரஸ் கட்சியின் மாவட்டத் தலைவர் மனோஜ் தீட்சித் மற்றும் மாவட்ட பொதுச் செயலாளர் ஷாஹித் அகமது ஆகியோர் நேற்று இரவு ராஜினாமா செய்துள்ளனர். இதையடுத்து காங்கிரஸின் உத்தரபிரதேச பிரிவு இது குறித்து விசாரணைக்கு உத்தரவிட்டுள்ளது.

உத்தரப்பிரதேச பவர் கார்ப்பரேஷன் லிமிடெட் (யுபிபிசிஎல்) நிறுவனத்தின் ஆக்ரா மின் விநியோக உரிமை பெற்றுள்ள டொரண்ட் பவர் லிமிடெட் என்ற தனியார் நிறுவனத்திற்கு எதிராக மேலும் போராடாமல் இருப்பதற்காக, அடையாளம் தெரியாத ஒருவரிடம் முதற்கட்டமாக ரூ 5 லட்சமும் பின்னர் மாதந்தோறும் ரூ 3 லட்சமும் செலுத்துமாறு தீட்சித் கேட்டதாக ஒரு வீடியோவில் காணப்படுகிறது.

வீடியோ வைரலாகியதை அடுத்து உத்தரபிரதேசத்தில் காங்கிரஸ் தலைவர் அஜய் குமார் லல்லு விசாரணைக்கு உத்தரவிட்டார். “இது ஒரு துரதிர்ஷ்டவசமான விஷயம். இது தொடர்பாக கட்சி உயர் கட்டளை நடவடிக்கை எடுத்து வருகிறது” என்று காங்கிரசின் மாநில பொதுச் செயலாளர் ஷோபனா கண்டேல்வால் தெரிவித்துள்ளார்.

இந்த குற்றச்சாட்டை தீட்சித் நிராகரித்துள்ள நிலையில், டொரண்ட் பவர் லிமிடெட் சர்ச்சை குறித்து எந்த கருத்தும் தெரிவிக்காமல் அமைதி காத்து வருகிறது.

“டொரண்ட் பவர் லிமிடெட் நிறுவனத்துக்கு இந்த வீடியோவுடனோ அல்லது அதில் உள்ள உள்ளடக்கங்களுடனோ எந்த தொடர்பும் இல்லை. எங்களை பிரதிநிதித்துவப்படுத்த யாரும் கேட்கப்படவில்லை. அல்லது வீடியோவில் காட்டப்பட்டுள்ளபடி எங்கள் சார்பாக யாரும் விவாதிக்கவில்லை.” என்று டொரண்ட் பவர் லிமிடெட் மக்கள் தொடர்பு அதிகாரி பூபிந்தர் சிங் கூறினார்.

இதற்கிடையே தனது ராஜினாமாவை சமர்ப்பித்த பின்னர், இது ஒரு சதி என்று தீட்சித் கூறினார். “நான் ஏற்கனவே மாவட்டத் தலைவர் பதவியை ராஜினாமா செய்துள்ளேன். விசாரணையை எதிர்கொள்வேன்.” என்று அவர் கூறினார்.

“வீடியோ வைரலாகி வருவதற்கும், மின்சக்தி நிறுவனத்திற்கு எதிராக எதிர்ப்பு தெரிவிக்காததற்காக நான் எந்த பணத்தையும் கோரவில்லை. சுதந்திர தின விழாவிற்காக ஆகஸ்ட் 15 அன்று ஆக்ரா நகரத்திற்குச் சென்றிருந்தேன். கட்சித் தலைவர் ஷாஹித் அகமதுவின் வீட்டிற்குச் சென்று கட்சி விஷயங்களைப் பற்றி விவாதித்தேன். வீடியோவில் கூறப்பட்டபடி இதுபோன்ற எந்த அறிக்கையும் என்னால் வெளியிடப்படவில்லை.” என தீட்சித் மேலும் கூறினார்.

“நான் எனது கட்சியை ஒருபோதும் காட்டிக் கொடுக்கவில்லை. மாறாக, மாவட்டத்தில் அதன் வலிமையை மேம்படுத்தினேன். கட்சித் தலைவர்களான பிரியங்கா காந்தி மற்றும் அஜய் குமார் லல்லு ஆகியோரின் கைகளை வலுப்படுத்த நான் எப்போதுமே பணியாற்றினேன். ஆனால் ஆக்ராவில் காங்கிரஸ் கட்சியை பலப்படுத்தியதால் நான் போலியான வீடியோ மூலம் சிக்க வைக்கப்பட்டுள்ளேன்” என்று தீட்சித் கூறினார்.

இரண்டாவது வீடியோவில், ஷாஹித் அகமது தீட்சித்தை சிக்க வைக்க மற்றொரு கட்சிக்காரருடன் கூட்டு சேர்ந்ததாக ஒப்புக் கொண்டார்.

தொலைபேசியில் கேட்டபோது அவர் அதையே திரும்பத் திரும்பச் சொன்னார்.

“நான் ரூ 20,000 பெற்றுள்ளேன். இந்த வீடியோவை பதிவு செய்ததற்காக ராகவேந்திர மீனுவால் ரூ 80,000 வாக்குறுதி அளிக்கப்பட்டேன். இதனால் காங்கிரஸின் மாவட்டத் தலைவர் மனோஜ் தீட்சித் தனது பதவியில் இருந்து நீக்கப்படுவார்” என்று அகமது கூறினார்.

ஆனால் வீடியோவின் சில பகுதிகள் திருத்தப்பட்டு வெளிப்பட்டதாக அகமது கூறியுள்ளார். அவர் முதல் வீடியோவிலும் காணப்பட்டதாகக் கூறப்படுகிறது. ஆனால் அதில் அவர் பேசவில்லை.

டொரண்ட் பவர் லிமிடெட் நிறுவனத்திற்கு எதிராக தீட்சித் சமீபத்தில் ஒரு பெரிய போராட்டத்தை நடத்தி, காவல்துறையினர் அவரைக் கைது செய்து மறுநாள் விடுவித்தது குறிப்பிடத்தக்கது.

Views: - 1

0

0