98 உயிர்களைக் காவு வாங்கிய போலி மதுபானம்..! பஞ்சாப்பில் சோகம்..!

2 August 2020, 6:14 pm
Liquor_UpdateNews360
Quick Share

பஞ்சாப் போலி மதுபான விவகாரத்தில் இறந்தவர்களின் எண்ணிக்கை இன்று 98 ஆக உயர்ந்தது. மேலும் 12 பேர் டார்ன் தரன் மாவட்டத்தில் போலி மது அருந்திய பின்னர் இறந்ததாக தெரிவிக்கப்பட்டுள்ளது.

“டார்ன் தரனில், இறப்பு எண்ணிக்கை தற்போது 75’ஆக உள்ளது” என்று துணை ஆணையர் குல்வந்த் சிங் தொலைபேசியில் தெரிவித்தார்.

எனினும், உயிரிழந்தவர்களின் இறுதிச் சடங்குகள் கடந்த இரண்டு நாட்களில் அவர்களது குடும்பத்தினரால் ஏற்கனவே செய்யப்பட்டுள்ளதால் கிடைத்த தகவல்களின் அடிப்படையில் நிர்வாகம் இந்த எண்ணிக்கையை 75’ஆகக் கொண்டுள்ளது என்று அவர் கூறினார்.
 
அவர்களில் சிலர் பிரேத பரிசோதனைக்கு கூட முன்வரவில்லை என அவர் மேலும் தெரிவித்தார்.

டார்ன் தரன் தவிர, அமிர்தசரஸில் இருந்து 12 பேரும், குர்தாஸ்பூரின் படாலாவில் இருந்து 11 பேரும் புதன்கிழமை மாலை போலி மதுபான விவகாரத்தில் முதன் முதலாக பலியாகினர்.

சில குடும்பங்கள் மோசமான மது அருந்திய பின்னர் தங்கள் உறவினர்கள் இறந்ததைப் பற்றி தெரிவிக்க முன்வரவில்லை என்று அதிகாரிகள் தெரிவித்தனர்.

மூத்த காவல்துறை அதிகாரி ஒருவர், அவர்களது குடும்ப உறுப்பினர்களின் மரணம் குறித்து புகார் அளிக்க அவர்களை வற்புறுத்தி வருகிறார்.

இதற்கிடையில், பஞ்சாப் அரசுக்கு எதிராக பாட்டியாலா, பர்னாலா, பதான்கோட், மோகா உள்ளிட்ட பல இடங்களில் எதிர்க்கட்சியான ஆம் ஆத்மி போராட்டம் நடத்தியது.

எதிர்ப்பாளர்கள் அரசாங்கத்தை, இந்த விவகாரத்தில் அலட்சியமாக நடந்து கொண்டுள்ளதாக குற்றம் சாட்டினர். மக்களின் மரணத்திற்கு வழிவகுத்த இந்த போலி மதுபானம், பெருமளவில் ஏழைக் குடும்பங்களைச் சேர்ந்தது குறிப்பிடத்தக்கது.

ஆம் ஆத்மி கட்சி பாராளுமன்ற உறுப்பினர் பகவந்த் மானும் டார்ன் தரனுக்குச் சென்று இறந்தவர்களின் குடும்பங்களைச் சந்தித்தார்.

இந்த வழக்கை விசாரிக்க பஞ்சாப் அரசு மாஜிஸ்திரேட் விசாரணைக்கு உத்தரவிட்டுள்ளது. ஏழு கலால் மற்றும் ஆறு காவல்துறை அதிகாரிகளை இடைநீக்கம் செய்வதாக முதல்வர் அமரீந்தர் சிங் சனிக்கிழமை அறிவித்திருந்தார்.

போலீஸ் மற்றும் கலால் துறை மோசடி மதுபானங்களை உற்பத்தி செய்வதையும் விற்பதையும் சரிபார்க்கத் தவறியது வெட்கக்கேடானது என்று அவர் விவரித்தார்.

இதற்கிடையே இறந்தவர்களின் ஒவ்வொரு குடும்பத்திற்கும் ரூ 2 லட்சம் நிவாரண நிதியை மாநில அரசு அறிவித்துள்ளது.

Leave a Reply