பூமி பூஜைக்கான முதல் அழைப்பு இவருக்குத் தான்..! யார் இந்த இக்பால் அன்சாரி..?

3 August 2020, 12:36 pm
Iqbal_Ansari_UpdateNews360
Quick Share

அயோத்தி நில தகராறு வழக்கில், ராமர் கோவில் கட்டுவதற்கு ஆதரவாக வழக்குத் தொடுத்தவர்களில் ஒருவரான இக்பால் அன்சாரி திங்களன்று ராமர் கோவிலுக்கான அடிக்கல் நாட்டும் விழாவிற்கான முதல் அழைப்பைப் பெற்றார்.

அழைப்பைப் பெற்ற பிறகு மகிழ்ச்சியடைந்த அன்சாரி, “நான் முதல் அழைப்பைப் பெற வேண்டும் என்பது ராமரின் விருப்பம் என்று நான் நம்புகிறேன். நான் அதை ஏற்றுக்கொள்கிறேன்.” எனத் தெரிவித்துள்ளார்.

ராமர் கோவிலின் அடிக்கல் நாட்டும் விழா ஆகஸ்ட் 5’ஆம் தேதி உத்தரபிரதேசத்தின் அயோத்தியில் நடைபெற உள்ளது. அயோத்தியில் ராமர் கோவிலின் பூமி பூஜை விழாவில் பல உயர்மட்ட பிரமுகர்கள் கலந்து கொள்வார்கள் என எதிர்பார்க்கப்படுகிறது.

குங்குமப்பூ நிற அழைப்பிதழில் பிரதமர் மோடி, ஆர்.எஸ்.எஸ் தலைவர் மோகன் பகவத், ஆதித்யநாத் மற்றும் உ.பி. ஆளுநர் ஆனந்திபென் படேல் ஆகியோரின் பெயர்கள் உள்ளன.

இந்த நிகழ்வில் கலந்து கொள்வார் என்று எதிர்பார்க்கப்படும் உயர்மட்ட தலைவர்களில் பிரதமர் நரேந்திர மோடியும் ஒருவர். பிரதமர் கோவிலுக்கு அடிக்கல் நாட்டுவார் எனவும் கூறப்படுகிறது.

விருந்தினர் பட்டியலில் உள்ள மற்ற உயர்மட்ட அழைப்பாளர்களில் ராம் ஜன்மபூமி போராட்டத்தின் தலைவர் மற்றும் உத்தரபிரதேச முன்னாள் முதல்வர் கல்யாண் சிங், உத்தரபிரதேச முதல்வர் யோகி ஆதித்யநாத் ஆகியோரும் அடங்குவர்.

இந்த விழாவில் மத்திய மற்றும் மாநில அரசுகளின் பல உயர் தலைவர்கள் மற்றும் மதத் தலைவர்கள் உட்பட சுமார் 180 பேர் கலந்து கொள்வார்கள் என்று எதிர்பார்க்கப்படுகிறது. முன்னதாக, 200’க்கும் மேற்பட்டோர் விருந்தினர் பட்டியலில் சேர்க்கப்பட்டனர். இருப்பினும், பின்னர் கொரோனா வைரஸ் தொற்றுநோயை அடுத்து இந்த எண்ணிக்கை 170-180 ஆக குறைக்கப்பட்டது.

இன்று முன்னதாக, ராம் ஜன்மபூமி போராட்டத்தில் ஈடுபட்டவரும், முன்னாள் மத்திய அமைச்சருமான உமா பாரதி, பிரதமர் மோடியும் மற்றவர்களும் பூமி பூஜை விழாவின் இடத்தை விட்டு வெளியேறிய பின்னர், அயோத்தியில் ராமரை தரிசனம் செய்யப் போவதாகக் கூறினார்.

கடந்த ஆண்டு நவம்பரில், உச்ச நீதிமன்றம் பல தசாப்தங்களாக நீடித்து வந்த அயோத்தி நில மோதலை முடிவுக்குக் கொண்டு வந்து சர்ச்சைக்குரிய இடத்தில் ராமர் கோவில் கட்டுவதற்கு வழி வகுத்தது. புனித நகரத்தில் உள்ள முஸ்லிம்களுக்கு ஒரு புதிய மசூதி கட்டுவதற்கு மாற்று ஐந்து ஏக்கர் நிலத்தை ஒதுக்குமாறு உச்ச நீதிமன்றம் மத்திய அரசுக்கு உத்தரவிட்டது குறிப்பிடத்தக்கது.

Views: - 7

0

0