நேதாஜி விழாவில் விண்ணை முட்டிய ஜெய் ஸ்ரீராம் கோஷம்..! மோடி முன்பே கோபப்பட்ட மம்தா பானர்ஜி..!

23 January 2021, 8:08 pm
Mamata_banerjee_updatenews360
Quick Share

நேதாஜி சுபாஸ் சந்திரபோஸின் பிறந்தநாளுக்கு மரியாதை செலுத்துவதற்காக பிரதமர் மோடியுடன் விக்டோரியா மெமோரியலில் கலந்து கொண்ட மேற்குவங்க முதல்வர் மம்தா பானர்ஜி, இந்த நிகழ்வில் உரையாற்ற அழைக்கப்பட்டபோது ஜெய் ஸ்ரீ ராம் கோஷங்கள் எழுப்பப்பட்டதை அடுத்து, கோபப்பட்டு பேச மறுத்ததால் திடீர் பரபரப்பு ஏற்பட்டது ஏற்பட்டது.

ஜெய் ஸ்ரீ ராம் கோஷங்களைக் கேட்டபின், மம்தா பானர்ஜி, “அரசாங்கத்தின் திட்டத்திற்கு கண்ணியம் இருக்க வேண்டும் என்று நான் நினைக்கிறேன். இது ஒரு அரசியல் திட்டம் அல்ல. ஒருவரை அழைத்தபின் அவமானப்படுத்துவது நல்லதல்ல. நான் எதுவும் பேச மாட்டேன்.” என்று ஜெய் ஸ்ரீ ராம் கோஷங்கள் எழுப்பப்பட்ட பின்னர் அவர் கூறினார்.

விக்டோரியா நினைவுச்சின்னத்தில் பிரதமர் மோடியும் கலந்து கொண்டபோது இந்த சம்பவம் நடந்தது. மம்தா பானர்ஜி தனது கோபத்தை வெளிப்படுத்திய உடனேயே, பிரதமர் மோடி நேதாஜியை கௌரவிப்பதற்காக தனது உரையைத் தொடங்கியது குறிப்பிடத்தக்கது.

விக்டோரியா நினைவு நிகழ்வில் மம்தாவின் எதிர்வினைக்குப் பின்னர் ஒரு அறிக்கையை வெளியிட்ட அவரது கட்சி, “நேதாஜி சுபாஷ் சந்திரபோஸின் பிறந்த நாள் கொண்டாட்டத்தில் ஜெய் ஸ்ரீ ராம் கோஷங்களை இந்திய அரசு நிகழ்ச்சியின் போது எழுப்பினர். முதல்வர் மம்தா பானர்ஜி ஒரு அரசாங்க நடவடிக்கைகளில் அரசியலை திணிப்பதற்கு எதிர்ப்பு தெரிவித்தார்.” எனக் கூறியுள்ளது.

முன்னதாக நேதாஜியின் பிறந்த நாளை துணிச்சல் தினமாக அறிவித்துள்ள மத்திய அரசு, அடுத்த வருடம் நேதாஜியின் 125’ஆவது பிறந்த நாள் என்பதால், ஆண்டு முழுவதும் நேதாஜி குறித்த நிகழ்வுகளை, நாடு முழுவதும் நடத்த திட்டமிட்டுள்ளது குறிப்பிடத்தக்கது.

Views: - 0

0

0