12 வயது சிறுமியை கத்தரிக்கோலால் குத்தி பாலியல்! உயிருக்கு போராட்டம்.! கொடூரன் கைது.!!

7 August 2020, 6:58 pm
Delhi Girl Molested - Updatenews360
Quick Share

டெல்லி : 12 வயது சிறுமியை பாலியல் பலாத்காரம் செய்த காமுகன் சிறுமியின் உடலில் பல இடங்களில் கத்தரிக்கோலை வைத்து குத்தியுள்ள சம்பவம் நெஞ்சை உறைய வைத்துள்ளது.

டெல்லியில் பாசிம் விஹாரின் பீரா காரி பகுதியில கடந்த வியாழக்கிழமை 12 வயது சிறுமி ஒருவரை காமுகன் ஒருவன் சீரழித்துள்ளான். அந்த போராட்டத்தில் சிறுமி கத்தரிக்கோலால் பல முறை குத்தப்பட்டு உள்ளது வேதனை தரும் விஷயமாகவும், நாட்டிற்கு தலைகுனிவும் ஏற்படுத்தியுள்ளது.

சிறுமியை பாலியல் வன்கொடுமை செய்த காமுகன், சிறுமியின் முக்கிய பகுதிகளில் கத்தரிக்கோலால் குத்தியுள்ளான். பாதிக்கப்பட்ட சிறுமி எய்ம்ஸ் மருத்துவமனையில் உயிருக்காக போராடி வருகிறார்.

எய்ம்ஸ் மருத்துவர்கள் வெளியிட்டுள்ள அறிக்கைபடி, சிறுமியின் தலை மற்றும் இடுப்பில் எலும்பு முறிவுகளும் ஏற்பட்டு உள்ளது எனவும், சிறுமியின் தனிப்பட்ட பாகங்கள் மற்றும் குடல்களில் பலத்த காயம் ஏற்பட்டுள்ளதாக தெரிவிக்கப்பட்டுள்ளது.

இந்த சம்பவத்தில் ஈடுபட்ட குற்றவாளியை காவல்துறையினர் கைது செய்து விசாரித்து வருகின்றனர். அந்த காமுகன் கஞ்சா போதைக்கு அடிமையானவன் என கூறப்படுகிறது. இது தொடர்பாக சம்பவம் நடந்த இடத்தில் சுமார் 100 பேர் வரை காவல்துறையினர் விரிவான விசாரணையை மேற்கொண்டு வருகின்றனர்.