இயற்கையை பயன்படுத்துவது மட்டுமல்ல பாதுகாக்கவும் வேண்டும்..! ஆர்எஸ்எஸ் தலைவர் அதிரடி..!

ராஷ்டிரிய ஸ்வயம்சேவக் சங்கத்தின் (ஆர்.எஸ்.எஸ்) தலைவர் மோகன் பகவத் இயற்கையின் பாதுகாப்பை வலியுறுத்தினார். இது தற்போதைய உலகில் செய்யப்படுவதைப் போல நுகருவதோடு நிறுத்திக் கொள்ளாமல் அதை வளர்க்கவும் வேண்டும் என்று கூறினார்.

‘பிரகிருதி தின்’ கொண்டாடும் பொருட்டு வீடியோ கான்பெரன்ஸ் மூலம் இந்து ஆன்மீக சேவா அறக்கட்டளை ஏற்பாடு செய்த ஒரு நிகழ்ச்சியில் உரையாற்றிய பகவத், இயற்கையை தங்கள் வாழ்க்கையின் ஒரு முக்கிய பகுதியாக வளர்த்த நம் முன்னோர்களால் பின்பற்றப்படும் வாழ்க்கை முறையை வலியுறுத்தினார்.

இயற்கையானது அவர்களின் நுகர்வுக்காகவே என்று மக்கள் நம்புகிறார்கள் என்றும், அதைப் பற்றி அவர்களுக்கு எந்தப் பொறுப்பும் இல்லை என்றும் அவர் கூறினார்.

“நாம் கடந்த 200 முதல் 250 ஆண்டுகளாக இப்படித்தான் வாழ்கிறோம். அதன் மோசமான விளைவுகளும் இப்போது முன்னுக்கு வருகின்றன. இது தொடர்ந்தால், நாமோ இந்த உலகமோ பிழைக்காது.” என அவர் தெரிவித்தார்.

இந்த பிரச்சினையை தீர்க்கத்தான், சுற்றுச்சூழல் தினம் என்ற கருத்து நடைமுறைக்கு வந்தது என்று பகவத் கூறினார்.

“நம் முன்னோர்கள் இருப்பின் உண்மையை முழுவதுமாக புரிந்து கொண்டனர். நம் இயற்கையின் ஒரு பகுதியாக இருக்கிறோம். இயற்கையை வளர்ப்பது மனிதர்களின் பொறுப்பாகும்.” என்று அவர் கூறினார்.

“நம் வாழ்க்கை முறை அனைவரையும் மதிக்கிறது. ஆனால் உலகின் வாழ்க்கை முறையால் நாம் தவறாக வழிநடத்தப்பட்டோம். எனவே, இன்று சுற்றுச்சூழல் தினத்தை அனுசரிப்பதன் மூலம் இதையெல்லாம் நினைவில் கொள்ள வேண்டும்.” என்று அவர் கூறினார்.

“நாக பஞ்சமி, கோவர்தன் பூஜை மற்றும் துளசி விவா” ஆகியவற்றைக் குறிப்பிட்டுள்ள பகவத், “இந்த சன்ஸ்காரங்கள் அனைத்தும் கொண்டாடப்பட்டு புத்துயிர் பெற வேண்டும். மேலும் புதிய தலைமுறையினரும் நாம் இயற்கையின் ஒரு அங்கம் என்பதை அறிந்து கொள்ள வைப்போம். மேலும் நாம் இயற்கையை உட்கொள்வதோடு மட்டுமல்லாமல் அதை வளர்க்க வேண்டிய தேவையும் உள்ளது.” என்று கூறினார்.

“வருங்கால சந்ததியினர் இவ்வாறு நினைத்தால் மட்டுமே, கடந்த 300 முதல் 350 ஆண்டுகளில் செய்த தவறுகளை, அடுத்த 100 முதல் 200 ஆண்டுகளில் சரி செய்து, மனிதகுலத்தின் வாழ்க்கையை அழகாகவும் பாதுகாப்பாகவும் மாற்ற முடியும்” என்று அவர் மேலும் கூறினார்.

Updatenews Sekar

See author's posts

Views: - 36

0

0