7 கிலோ யுரேனியம் சிக்கியது எப்படி..? மகாராஷ்டிரா பயங்கரவாத எதிர்ப்புப் படையிடமிருந்து அறிக்கை கோரிய என்ஐஏ..!

7 May 2021, 7:45 pm
NIA_Uranium_Mahrastra_ATS_UpdateNews360
Quick Share

சுமார் 21.30 கோடி ரூபாய் மதிப்புள்ள ஏழு கிலோ இயற்கை யுரேனியத்தை பறிமுதல் செய்தது குறித்து தேசிய புலனாய்வு முகமை (என்ஐஏ) மகாராஷ்டிரா பயங்கரவாத எதிர்ப்புப் படையிடமிருந்து (ஏடிஎஸ்) விரிவான தகவல்களை கோரியுள்ளது.

மகாராஷ்டிரா பயங்கரவாத தடுப்புப் பிரிவின் (ஏடிஎஸ்) நாக்பாடா பிரிவு கடந்த புதன்கிழமை இரவு இருவரை கைது செய்து அவர்களிடமிருந்து 7.1 கிலோ யுரேனியத்தை பறிமுதல் செய்ததாக அவர் கூறினார்.

“விசாரணையின் போது, யுரேனியத்தின் தூய்மை 90 சதவீதத்திற்கும் அதிகமாக உள்ளது என்பது வெளிச்சத்திற்கு வந்தது” என்று அந்த அதிகாரி கூறினார். யுரேனியத்தின் மூலத்தைக் கண்டுபிடிக்க ஏடிஎஸ் முயற்சித்து வருவதாகவும், குற்றம் சாட்டப்பட்டவர்கள் விசாரிக்கப்படுவதாகவும் அவர் கூறினார்.

“இது தேசிய அளவில் ஒரு முக்கியமான விஷயம் என்பதால், யுரேனியம் பறிமுதல் செய்வது குறித்து என்.டி.ஏ ஏ.டி.எஸ்ஸிடமிருந்து விரிவான அறிக்கையை கோரியது.” என்று அவர் மேலும் கூறினார்.

அதன்படி, ஏ.டி.எஸ் இன்று என்.ஐ.ஏ அதிகாரிகளுக்கு எஃப்.ஐ.ஆரின் நகலை வழங்கியதுடன், வழக்கு தொடர்பான பிற தகவல்களையும் வழங்கியது என்று அந்த அதிகாரி தெரிவித்தார்.

இருப்பினும், இந்த வழக்கில் என்ஐஏவும் விசாரணையைத் தொடங்குகிறதா என்பது இன்னும் தெளிவாகத் தெரியவில்லை என அவர் மேலும் கூறினார்.

Views: - 101

0

0