இந்திய கடற்படை தினம் 2020..! பிரதமர் மோடி மற்றும் பாதுகாப்பு அமைச்சர் ராஜ்நாத் சிங் வாழ்த்து..!

4 December 2020, 12:41 pm
Indian_Navy_Day_UpdateNews360
Quick Share

கடற்படை தினத்தை முன்னிட்டு பிரதமர் நரேந்திர மோடி மற்றும் பாதுகாப்பு அமைச்சர் ராஜ்நாத் சிங் ஆகியோர் கடற்படை வீரர்கள் மற்றும் அவர்களது குடும்பத்தினருக்கு வாழ்த்துக்களை தெரிவித்தனர்.

“எங்கள் வீரம் நிறைந்த கடற்படை வீரர்கள் மற்றும் அவர்களது குடும்பங்களுக்கு கடற்படை தின வாழ்த்துக்கள். இந்திய கடற்படை அச்சமின்றி நமது கடற்கரைகளை பாதுகாக்கிறது. மேலும் தேவைப்படும் காலங்களில் மனிதாபிமான உதவிகளையும் செய்கிறது. பல நூற்றாண்டுகளாக இந்தியாவின் வளமான கடல் பாரம்பரியத்தையும் நாங்கள் நினைவில் கொள்கிறோம்.” என்று பிரதமர் மோடி ஒரு ட்வீட்டில் தெரிவித்துள்ளார்.

ராஜ்நாத் சிங் தனது ட்வீட்டில், “இந்திய கடற்படை தினம் 2020 நிகழ்வில், இந்த சிறப்பான படையின் அனைத்து பணியாளர்களுக்கும் எனது வாழ்த்துக்கள். கடல் பாதுகாப்பை உறுதி செய்வதன் மூலம் நமது கடல்களை பாதுகாப்பாக வைத்திருப்பதில் இந்திய கடற்படை முன்னணியில் உள்ளது. அவர்களின் வீரம், தைரியம் மற்றும் தொழில் திறனுக்கு வணக்கம் செலுத்துகிறேன்.” எனத் தெரிவித்துள்ளார்.

மத்திய பாதுகாப்பு அமைச்சகத்தின் டிபிஆரில் உள்ள இந்திய கடற்படையின் செய்தித் தொடர்பாளர் ஒரு ட்வீட்டில், “கடற்படை நாள் 2020 நிகழ்வில், தேசத்தின் சேவையில் உறுதியான அர்ப்பணிப்பு மற்றும் நமது கடல்சார் பாதுகாப்பை இந்திய கடற்படை உறுதிப்படுத்துகிறது.” என கடற்படைத் தளபதி அட்மிரல் கரம்பீர் சிங் வாழுத்துக்களை கூறியதாக தெரிவித்துள்ளது.

1971’ஆம் ஆண்டில் இந்தியா மற்றும் பாகிஸ்தான் இடையே நடந்த போரின்போது, கராச்சி துறைமுகத்தில் இந்திய கடற்படைக் கப்பல்கள் மேற்கொண்ட தீர்க்கமான கடற்படை நடவடிக்கையை நினைவுகூரும் வகையில் ஒவ்வொரு ஆண்டும் டிசம்பர் 4 கடற்படை தினமாக கொண்டாடப்படுவது குறிப்பிடத்தக்கது.

Views: - 16

0

0